ایکواڈور: پرواز کے دوران پرندہ طیارے سے ٹکرا گیا اور ونڈ شیلڈ توڑتا ہوا پائلٹ سے جا ٹکرایا۔ حادثے کی ویڈیو سوشل میڈیا پر وائرل ہو گئی۔
غیر ملکی خبر رساں ایجنسی کے مطابق فضا میں پرواز کے دوران پرندوں کے طیاروں سے ٹکرانے کے واقعات رونما ہوتے رہتے ہیں تاہم ایکواڈور میں ہونے والا حادثہ اپنی نوعیت کا منفرد واقعہ ہے۔
فضا میں پرواز کرتے طیارے سے پرندہ اس زور سے ٹکرایا کہ جہاز کے کاک پٹ کی ونڈ شیلڈ توڑتا ہوا پائلٹ سے جا ٹکرایا جس کی وجہ سے پائلٹ بھی زخمی ہو گیا۔
وائرل ہونے والی ویڈیو میں زخمی پائلٹ اور پرندے کی لٹکتی باقیات دیکھی جا سکتی ہیں جبکہ پرندے کے بڑے پنجے پائلٹ کی اوپر لٹک رہے ہیں۔
پرندہ طیارے سے ٹکرانے کے بعد ویڈیو میں پائلٹ خوفزدہ دکھائی دے رہا ہے تاہم پائلٹ طیارے کو بحفاظت زمین پر اتارنے میں کامیاب ہو گیا۔
Source
- Featured Thumbs
- https://i.ibb.co/GnkzY62/video-wairal.jpg
