وزارت تعلیم نے انکشاف کیا ہے کہ اس وقت ملک میں 2 کروڑ 62 لاکھ سے زائد بچے اسکولوں سے باہر ہیں۔
تفصیلات کے مطابق وزارت تعلیم نے یہ انکشاف قومی اسمبلی میں پیش کردہ تفصیلات میں کیا اور بتایا کہ اس وقت ملک بھر میں 2 کروڑ 62لاکھ، 6 ہزار 520 بچے اور بچیاں اسکولوں سے باہر ہیں۔
وزارت تعلیم نے بتایا کہ 5 سے 9 سال کی عمر کے 1 کروڑ 7لاکھ 74 ہزار 890 بچے اور بچیوں کو اسکولوں میں داخل نہیں کروایا گیا، ان میں لڑکوں کی تعداد 49لاکھ 72ہزار 949 ہےجبکہ 58 لاکھ 1 ہزار 941 بچیاں ہیں۔
وزارت تعلیم نے قومی اسمبلی کو بتایا کہ 10 سے 12 سال تک کی عمر کے 21 لاکھ 6ہزار 672 لڑکے اور 28 لاکھ 28ہزار 812 بچیاں مڈل کی تعلیم حاصل کرنے سے محروم ہیں، ان بچوں کی مجموعی تعداد 49 لاکھ 35ہزار 484 ہے۔
ملک میں 45لاکھ 45 ہزار 537 بچے و بچیاں ہائی اسکول کی تعلیم سے محروم ہے، 23 لاکھ 6 ہزار 882 بچے اور 22لاکھ 38 ہزار 655 بچیاں ہائی اسکول کی تعلیم حاصل کرنے سے قاصر ہیں جبکہ 59 لاکھ 50 ہزار 609 لڑکے و لڑکیاں ہائر سیکنڈری کی تعلیم سے محروم ہیں۔
