معروف سوشل کانٹیکٹ ایپ واٹس ایپ کی چند گھنٹوں سے پاکستان سمیت دنیا بھر میں سروسز معطل ہو گئی ہیں۔ صارفین کو ایپ کے استعمال میں رکاوٹ کا سامنا ہے۔
اس رکاوٹ کے سبب صارفین کو گروپس اور انفرادی چیٹس میں پیغامات بھیجنے میں مشکلات پیش آ رہی ہیں۔
مائیکروبلاگنگ ویب سائٹ ٹوئٹر پر صارفین کی جانب سے اس مسئلے کی نشاندہی کی گئی اور پاکستان سمیت دنیا بھر سے لوگوں نے بتایا کہ واٹس ایپ گروپس میں میسجز نہیں جا رہے۔
علاوہ ازیں وہ صارفین جو واٹس ایپ کا ڈیسک ٹاپ ورژن استعمال کر رہے ہیں، انہیں فون سے ایپ کنیکٹ کرنے میں بھی مشکل ہو رہی ہے۔
اب واٹس ایپ بیٹا انفو نے اس معاملے کی تصدیق کی ہے اور بتایا ہے کہ صارفین کو واٹس ایپ میں مسائل کا سامنے ہے تاہم میٹا کے مطابق سروسز بحال کرنے پر کام کیا جارہا ہے۔
ایک صارف نے کہا کہ واٹس ایپ بند ہونے کے بعد لوگ جوق در جوق ٹویٹر پر آرہے ہیں تاکہ یہ دیکھا جا سکے کہ واٹس ایپ کو کیا ہوا ہے۔
ایک صارف نے مارک زکربرگ کی تصویر شیئر کرتے ہوئے لکھا کہ مارک زکر برگ اس وقت واٹس ایپ ٹھیک کر رہے ہیں۔
جیکسن نامی صارف نے کہا کہ جب واٹس ایپ بند ہو جائے تو لوگ پریشان ہوتے ہیں کہ اب ہم بات کس طرح کریں گے تو ایسے وقت میں لوگ ٹویٹر پر آتے ہیں۔
ایک صارف نے اس چیز کی نشاندہی کی کہ لوگ اپنے فون اور انٹرنیٹ دیکھ رہے تھے کہ شاید ان میں مسئلہ ہے۔
ساجد نے لکھا کا واٹس اپ بند ہے لیکن ٹوئٹر کو اس وقت بڑا مزہ آ رہا ہے۔
مولاجٹ نامی صارف نے ایک تصویر کے ذریعے دکھایا کہ واٹس اپ کی بندش کے بعد کس طرح لوگ لائن لگا کر ٹوئیٹر پر پہنچ گئے ہیں۔
لندنی شرمانا لکھا کا کہ وائبر لائن اور ٹیلی گرام نے واٹس اپ کو خراب کر دیا ہے۔
ایک صارف نے کہا کہ واٹس اپ بند ہوا تو یوں لگا کہ انسان پتھر کے زمانے میں پہنچ گیا۔
ایلون نے کہا کہ واٹس اپ کی بندش کے بعد ٹیلیگرام کے ہیڈ کوارٹر میں خوشیاں منائی جارہی ہیں۔