مسلم لیگ ن کے رکن قومی اسمبلی راؤ اجمل نے پاکستان سے 2200 روپے میں ملنے والی گندم6ہزار روپے میں افغانستان اسمگل ہونے کا انکشاف کردیا ہے۔
تفصیلات کے مطابق ملک میں گندم کے شدید بحران کا خدشہ پیدا ہوگیا ہے ایسے میں حکمران جماعت ن لیگ کے رکن قومی اسمبلی نے ایوان میں کھڑے ہوکر انکشا ف کیا کہ ابھی تک 1اعشاریہ 2 ملین ٹن گندم ایکسپورٹ یا اسمگل ہوچکی ہے۔
انہوں نے کہا کہ جب یہاں 22 روپے میں فروخت ہونے والی گندم افغانستان میں 6ہزار 800 روپے فی من میں فروخت ہوگی تو گندم کی ذخیرہ اندوزی، غیر قانونی نقل و حرکت اور اسمگلنگ کو کوئی نہیں روک سکے گا۔
راؤ اجمل نے کہا کہ ہمیں گندم کی اسمگلنگ کو روکنے کیلئے اقدامات کرنا ہوں گاوگرنہ پانچ مہینے کے بعد ایک بار پھراس ملک میں گندم کا شدید بحران آئے گا، انہوں نے مزید کہا کہ اگر ایسی کوئی اسکیم تیار کرلی گئی ہے کہ ہم کس کس ملک سے گندم امپورٹ کرسکتے ہیں تو وزری تجارت اس پر بھی ایوان میں موجود ارکان کو بریفنگ دیں۔