Haidar Ali Shah
MPA (400+ posts)
اگرچہ پانامہ کا فیصلہ کل آنا ہے لیکن میں نے پریوں کے ذریعے اسکی کاپی چرا لی ہے. انگلش ہماری اخلاقی زبان ہے اس لئے ججوں نے اٌسی زبان میں فیصلہ جاری کیا ہے. بچپن سے مجھے شک تھا کہ میری اردو اچھی ہے کہ انگلش لیکن کھبی موقع نہیں ملا ٹیسٹ کرنے کا. آج میں بہت خوش ہو کہ میں انگلش سے اردو ترجمہ کر رہا ہو اور کل سارے ملک کو لگ پتہ جائے گا کہ اخروٹ اور خالص دودھ میں کتنی طاقت ہوتی ہے.
عدالتی فیصلے کے مطابق جناب محمد نواز شریف جو حسن نواز اور مریم نواز کے پاپا اور کلثوم نواز کے ہیرو ہے کسی بھی اخلاقی کرپشن میں ملوث نہیں. البتہ مالی کرپشن کی دلدل بری میں طرح پھنس چکے ہے. اخلاقی کرپشن سے اس لئے صاف ہے کہ لوگ حسن؛ حٌسین اور مریم نواز جو پانامہ میں مرکزی مجرم ہے کو نواز سے ڈائریکٹلی ملا رہے ہے حالنکہ سب بچے اپنی ماں کے بچے اور دادا کے پوتے ضرور ہے لیکن نواز نے انہیں پیدائش کے بعد ان کے دادا کے گھونسلے میں ڈال دیا تھا.
اس لئے ساری ذمہ داری مرحوم کی تھی.
یہ سب بچے دادا کی چھونپڑی میں لوہار کی لوہے چبا چبا کر جوان ہوئے. جب کھبی دادا جی فری ہوتے اسٹیل کو پگھلا کر پلاتے تھے.حٌسین نواز نے روٹی کھبی نہیں کھائی ساری دنیا جانتی ہے روئی چباتے تھے اسلئے اتنے پھلے پھولے ہے.قطری خط کا فسانہ صرف اتنا ہے کہ ایک مرتبہ ایک قطری بادشاہ جیب کو اونٹ سمجھ کر تلور کے تعاقب میں رائیونڈ کی دشت میں رستہ کھو بیٹھے. سب وزیر اور نوکر چاکر کہیں اور نکل گئے۔
قطری بہت گھبرایا لیکن دور سے شریفوں کی جھونپڑی کو دیکھ کر خوش ہوا. جھونپڑی بہت وسیع و عریض تھی اندھیرا چھا رہا تھا اس لئے دیوار پھلانگ لی. جھونپڑی کے اندر فقیروں (شریفوں) نے ابن سبا کا جنت سجایا ہوا تھا. ہر طرف پائیوں کی خوشبو چھائی ہوئی تھی. ابھی دو قدم ہی اٹھائے تھے کہ ایک چوکیدار بندوق تھامے سامنے آگیا لیکن قطری کی ملنگی کپڑے دیکھ کر اپنی تعارف کیپٹن کی نام سے کرتے ہوئے صرف اتنی تاکید کی کہ جھونپڑی کی پاکیزہ لونڈی اسکے نام ہے.
قطری چوکیدار کی بندوق دیکھ کر اپنی بھوک اور پیاس بھول گیا تھا لیکن کپٹن کی غائب ہوتے ہی اس نے پانی منگا لیکن کوئی جواب نہیں ملا.
قطری نے سامنے کمروں کا رٌخ کیا اور جیسے ہی اس نے گارڈن میں قدم رکھا تو اٌسے نور ہی نور نظر آنے لگا. قطری نے نور کی مرکز کیطرف قدم بڑھائے تو ایک نہایت ہی صالح شخص کو سجدے میں گڑ گڑاتے ہوئے اردو میں دٌعا مانگتے ہوئے پایا. قطری نے اس نیک ادمی سے ملنے کی ٹھانی قطری نے بچپن میں جنگل میں ملنگوں اور فقیروں کے بارے میں جتنی کہانیا پڑی تھی آج سب کی سب پوری ہونی والی تھی. پورا ایک گھنٹہ گزر گیا لیکن ملنگ نے سر سجدے سے نہیں اٌٹھایا قطری کو یقین تھا کہ اسکی ایمان کا امتحان ہو رہا ہے لیکن بھوک اور پیاس نے قطری کی ایمان کو قطرہ قطرہ کر ڈالا.
قطری نے یہ روح پرور اور ایمان افروز منظر صرف پاپی پیٹ کے خاطر چھوڑ کر آگے بڑنا شروع کیا. جھونپڑی کی صحن میں چند گول مٹول بچے جن کے کپڑے پھٹے ہوئے تھے اور ان کی پاؤں میں جوتے بھی نہیں تھے ایک درویش ٹائپ بابا کے گرد بیٹھے مرغن غذاؤں کی کہانیاں سٌن رہے تھے. قطری نے بچوں کی غربت دیکھ کر ضبط کی بہت کوشش کی لیکن وہ انسو قطرہ قطرہ کرکے جھونپڑی کی سنگ مرمر والی فرش میں جذب ہونے لگی. وہ تو اچھا ہوا کہ بادشاہ کی ہچکیوں نے ملنگ بابا کو حکایت حیدری سے سر اٌٹھانے پر مجبو کر دیا اور یوں گول مٹول بچے نے بھاگ کر صحن میں موجود ناریل کی درخت سے ایک ناریل توڑ کر قطری بادشاہ کے ٹوپی میں نچوڑا تو ٹوپی لبالب بھر گئی. قطری ناریل کا پانی پیتے ہوئے سوچ رہا تھا
کہ میں اس جھونپڑی کا داماد بن کر انکی تقدیر بدل دونگا. یہ سوچتے ہوئے اسے محسوس ہوا کہ ناریل کا پانی ختم ہو گیا ہے وہ گول مٹول بچہ بھاگ کر ایک اور ناریل توڑ کر لے آیا اور اپنی مسل کی طاقت سے اٌسے قطری کی ٹوپی میں نچوڑا لیکن اس بار صرف ادھی ٹوپی ہی بھری. قطری بادشاہ حیران ہوگیا کہ یہ ماجرا کیا ہے کہ دور سے کسی چوکیدار نے اواز لگائی لگتا ہے قطری کی نیت میں فتور آگیا ہے
قطری کو لگا کہ اپنے سر کے پسینے اور جھونپڑی کی ناریل کےپانی سے بھرے ٹوپی میں چھلانگ لگا کر خودکشی کر لے لیکن پھر اٌسے ایک پاکستانی کہاوت یاد آئی کہ چلو بھر پانی میں ڈوب کر مرا جا سکتا ہے اور اس نے غٹاغٹ اپنی ٹوپی منہ پر چھڑا لی کہ آخر میں چلو بھر پانی میں خودکشی کر لونگا لیکن قطری بھی عربی ہوتے ہے اس لئے پیتے ہوئے اپنا نیک ارادہ بھول گئے.
قطری کو دور سے آتے جیپوں کی دھول باغیچے سے اٹھتے ہوئے نور کیوجہ سے نظر آنے لگا تو اٌس نے ملنگ بابا اور بچوں سے اجازت مانگی اور جاتے ہوئے خالص عربی میں خط تحریر کرکے دے دی کہ یہ کسی خاص دن کام آئے گا.قطری نے جھونپڑی سے باہر جانے کیلئے قصداً گارڈن کا راستہ اختیار کیا تاکہ وہ اٌس صاحب ایمان سے ملاقات کرسکے لیکن اس بار بھی اٌس مست ملنگ کو دنیا و مافیہا سے بے خبر سجدے میں گڑگڑاتے ہوئے پایا. قطری کو خاصی مایوسی ہوئی لیکن شاید قسمت میں یہی لکھا ہوا تھا.
قطری کا عربی میں خط شریف منوں کا بہت کام آیا. یہ خط سعودی والوں دکھایا تو انہوں نے اسٹیل مل دے دی. گوروں کو دکھایا تو انہوں لندن کے سب سے قیمتی فلیٹ ہدیاں کر دئیے. انڈین کو دکھایا تو انہوں نے شوگر ملیں تحفہ کر دئیے. امریکں پٹھوں مشرف کو دکھایا تو وہ ایک بار پھر غیر ملکیوں کے سامنے لیٹ گیا. ججوں کو دکھایا تو انہیں سمجھ نہیں آیا کہ اسمیں کونسا الہ دین کا منتر ہے جو بھی پڑھتا ہے سر بسجود ہوجاتا ہے. آج اسکا ترجمہ کرکے پتا چلا کہ اسمیں علی بابا اور چالیس چوروں کی کہانی ہے شاید قطری ملنگ بابا کو حکایت حیدری کے بجائے علی بابا والی کہانی سنا کر خزانے لوٹنے کی طریقے سکھانا چاھتے تھے.
یہ کہانی زرداری پڑھے بغیر سمجھ گیا. نواز شریف کو لکھ کر پڑھنا اور پڑھ کر حفظ کرنا پڑھا اور ججوں کو پڑھ کر ایان علی اور ڈاکٹر عاصم سے ترجمہ کروانا پڑا. یہ معزز عدالت اس فیصلے پر پہونچتی ہے کہ یہ سب ڈرامہ قطری نے رچایا ہوا تھا تاکہ پاکستانیوں کو مصروف رکھا جاسکے ورنہ یہ قوم جب فارغ ہوتی ہے تو کوئی نا کوئی دھماکہ کرتی رہتی ہے مثلاً ایٹمی دھماکہ؛ خودکش دھماکہ؛ معاشی دھماکہ.
یہ عدالت قطری کو مجرم مان کر اٌسے شریفوں سے دور رہنے کی تاکید کرتی ہے. اور قطریوں کو مشورا دیتی ہے کہ ائندہ تلوروں کا شکار کرتے ہوئے منرل واٹر استعمال کرے. یہ عدالت شریفوں کی شرافت اور فراست کی تصدیق کرتی ہے اور عمران اور سراج کو مشورہ دیتی ہے کہ جلنے سے منہ کالا ہوتا ہے. یہ عدالت صالح ظافر کا شکرگزار ہے کہ اسکی رپورٹوں اور کالموں نے معزز عدالت کی ججوں کو اصل حقائق سے آگاہ کرکے عمرانی فتنے سے بچایا.
This topic was modified 2 seconds
Last edited by a moderator:
