ای سی سی نے پنجاب میں کھاد بنانے والے 2 فرٹیلائزر کو سستی گیس فراہم کرنے کی منظوری دیدی ہے۔
تفصیلات کے مطابق اکنامک کورڈینشن کمیٹی نے وفاقی کابینہ کے سابقہ فیصلے کو تبدیل کرتے ہوئے پنجاب میں 2 فرٹیلائزر کمپنیوں کو سستی گیس فراہم کرنے کی مظوری دیدی ہے۔
ای سی سی نے دونوں فرٹیلائزر کمپنیوں کو 30 ستمبر تک 1ہزار 597 فی ملین ایم ایم بی ٹی یو یونٹ کے حساب سے گیس کی فراہمی کی منظوری دی ہے ، کھاد بنانے والی فیکٹری کو سستی گیس کی فراہمی کے بعد تقریبا 15 بلین روپے کا مالی بوجھ گھریلو گیس صارفین پر منتقل کیا جائے گا۔
وفاقی وزیر خزانہ محمد اورنگزیب کی زیر صدارت ہونے والے ای سی سی اجلاس کے بعد جاری کردہ اعلامیہ میں کہا گیا ہے کہ ایس این جی پی ایل بیسڈ کھاد فیکٹریوں کو 31 مارچ سے 30 ستمبر تک بلا تعطل گیس کی فراہمی ضروری ہے تاکہ خریف کے سیزن کیلئے یوریا کھاد کی ترسیل میں کوئی رکاوٹ پیدا نا ہو۔
خیال رہے کہ ای سی سی فرٹیلائزر انڈسٹری کو سستی گیس کی سپلائی پر چند روز قبل پابندی عائد کی گئی تھی۔
- Featured Thumbs
- https://www.siasat.pk/data/files/s3/3ureaadpapalkslkskdk.png
