ٹوئٹر کی نئی پالیسی پر دلچسپ میمز، تبصروں اور مزاحیہ ویڈیوز کی بھرمار

elon-muskaaha.jpg

ٹوئٹر کےصارفین کی ٹوئٹ پڑھنے کیلئے عارضی طور پر حد مقرر کرتے ہوئے، ایلون مسک نے نئی پالیسی کا اعلان کردیا۔

ایلن مسک کے اعلان کے مطابق آئندہ سے ٹوئٹر صارفین ایک خاص حد تک ہی ٹوئٹس پڑھ پائیں گے۔

ایلون مسک کی جانب سے متعارف کروائی گئی نئی پالیسی کے تحت بلیو ٹک والے تصدیق شدہ اکاؤنٹس اب 6 ہزار ٹوئٹ روزانہ پڑھ سکیں گے۔ٹوئٹر کی نئی پالیسی کے تحت غیر تصدیق شدہ اکاؤنٹ صرف 6 سو ٹوئٹ پڑھ سکیں گے۔نئے صارفین کیلئے ٹوئٹ پڑھنے کی حد صرف 300 ٹوئٹس ہوگی۔

ایلون مسک کے اس اعلان کے بعد سوشل میڈیاصارفین نے اسے کڑی تنقید کا نشانہ بنایا اور دلچسپ تبصروں اور میمز اور ویڈیوز کی بھرمار کردی۔۔

محمود اسماعیل نامی ٹوئٹر صارف نے ایلون مسک کی نئی پالیسیوں پر اپنے ٹوئیٹ میں لکھا کہ غریب کو سانس لینے دو ایلون۔

صحافی جمیل فاروقی نے تبصرہ کرتے ہوئے لکھا کہ کہیں ایلون مسک نے پی ڈی ایم تو نہیں جوائن کرلی ؟ اپنے ہی پراڈکٹ پہ خودکُش حملے کئے جا رہا ہے

شمس خٹک کا کہنا تھا کہ ایلون مسک نے ریچ کا بیڑہ غرق کیا ہوا ہے جن جن کو میری ٹویٹس نظر آرہی ہیں وہ پلیز لائک ری ٹویٹ اور کمنٹ کر دیں تاکہ آپکی ٹویٹس بھی مجھے نظر آتی رہیں

فیاض شاہ نے کہا کہ ایلون مسک نے 3 گھنٹے تک دنیا بھر سے گالیاں کھانے کے بعد ویریفائیڈ اکاؤنٹس کی ڈیلی ٹویٹس دیکھنے کی لمٹ 10 ہزار، پرانے نان ویریفائیڈ اکاؤنٹس کی 1000 اور نئے نان ویریفائیڈ اکاؤنٹس کی لمٹ 500 کر دی ہے

دیویا نے اپنے ٹوئیٹ میں لکھا کہ یہ لوگوں کو ٹوئٹر کا عادی ہونے سے بچانے کے لیے زبر دست آئیڈیا ہے۔

دنیا بھر سے دیگر سوشل میڈیا صارفین نے بھی ایلون مسک کو شدید تنقید کا نشانہ بنایا اور دلچسپ میمز اور ویڈیوز بناکر اپنا غم اور غصہ ختم کرتے رہے۔
 
Sponsored Link