
اسٹیٹ بینک آف پاکستان نے وفاقی حکومت کے ابتدائی 8 ماہ میں قرضوں کے اضافے سے متعلق دستاویزات جاری کردی ہیں۔
وفاقی حکومت کے ابتدائی 8 ماہ میں قرضوں میں اضافے کی تفصیلات سامنے آگئیں جس کے مطابق مارچ سے اکتوبر 2024 تک وفاقی حکومت کے قرضے میں 4 ہزار 304 ارب روپے کا اضافہ ہوا۔
https://twitter.com/x/status/1868939117259899200
اسٹیٹ بینک آف پاکستان کی جانب سے جاری کردہ دستاویز کے مطابق مارچ سے اکتوبر 2024 کے دوران وفاقی حکومت کا قرضہ 4 ہزار 304 ارب روپے بڑھا اور اکتوبر 2024 تک یہ قرضہ 69 ہزار 114 ارب روپے ہوگیا۔
اسٹیٹ بینک کے دستاویز کے مطابق فروری 2024 میں وفاقی حکومت کے قرضوں کا حجم 64 ہزار 810 ارب روپے تھا، موجودہ حکومت کے پہلے 8 ماہ میں مقامی قرض میں 4 ہزار 556 ارب روپے کا اضافہ ہوا۔
دستاویز میں بتایا گیا ہے کہ ابتدائی 8 ماہ کی مدت میں مرکزی حکومت کے غیر ملکی قرض میں 251 ارب روپے کی کمی ہوئی۔
اسٹیٹ بینک کی جانب سے جاری کردی دستاویزارت کے مطابق اکتوبر 2024 تک وفاقی حکومت کا مقامی قرضہ 47 ہزار 231 ارب روپے تھا جب کہ اسی مدت تک وفاقی حکومت کا غیر ملکی قرضہ 21 ہزار 884 ارب روپے تھا۔
دستاویز کے مطابق فروری تک وفاقی حکومت کا مقامی قرضہ42ہزار675ارب روپےتھا، فروری تک مرکزی حکومت کاغیرملکی کا قرضہ 22 ہزار134 ارب تھا۔
- Featured Thumbs
- https://www.siasat.pk/data/files/s3/shahai1h11i2.jpg