وزیراعظم شہبازشریف کا وی پی این کے ذریعے ٹویٹ: نریندمودی کا شکریہ ادا کردیا
پاکستان میں انٹرنیٹ کی بندش کی وجہ سے صارفین ایکس (سابقہ ٹوئٹر) تک رسائی حاصل نہیں کر پا رہے جس کی وجہ سے ’وی پی این‘ کا استعمال کافی بڑھ گیا ہے۔ یہ بندش ایک ایسے وقت میں سامنے آئی ہے جب صارفین عام انتخابات میں ہونے والی مبینہ بے ضابطگیوں کو سامنے لا رہے تھے۔
دلچسپ بات یہ ہے کہ سوشل میڈیا صارفین اور صحافی تو وی پی این استعمال کررہے ہیں، جن سرکاری عہدیداروں نے پابندی لگائی یا حکومت میں ہیں وہ بھی وی پی این استعمال کررہے ہیں۔وزیراعظم شہبازشریف کو وزیراعظم بننے پر دنیا بھر سے مبارکبادیں موصول ہورہی ہیں، بھارتی وزیراعظم نریندرمودی نے بھی شہبازشریف کو وزیراعظم بننے پر مبارکباد دی۔
اس پر وزیراعظم شہبازشریف نے وی پی این کے ذریعے نریندرمودی کا شکریہ ادا کیا۔
اپنے ٹوئٹر پیغام میں شہبازشریف نے نریندرمودی کو جواب دیا کہ شکریہ نریندرمودی ۔۔ بطور وزیراعظم پاکستان منتخب ہونے پر مبارکباد کے لیے
ایکس استعمال کرنے پر سوشل میڈیا صارفین وزیراعظم شہباز شریف سے سوال کرتے نظر آتے ہیں کہ آخر وہ کون سا وی پی این استعمال کرتے ہیں؟
صحافی ثاقب بشیر نے ردعمل دیا کہ اندازہ لگائیں ملک کے نو منتخب وزیر اعظم بھی وی پی این استعمال کرکے ایکس پوسٹ کر رھے ہیں ملک بہر حال ترقی کی راہ پر گامزن ہے
مہوش نے کہا کہ چاچو ۔۔۔وی پی این بند کر کے یہ ٹویٹ کر کے دکھائیں تب مانیں ۔۔۔
سارا میر نے کہا کہ جس ملک میں وزیراعظم وی پی این شاہد لگا کر ٹویٹر استمعال کرے اس ملک کا کیا حال ہوگا، اوپر سے کیمونٹی نوٹ الگ ٹھک جاے جھوٹ پر۔۔۔
- Featured Thumbs
- https://www.siasat.pk/data/files/s3/modi1h1i3h11.jpg
