تیمور جھگڑا سے متعلق سوشل میڈیا اور وٹس ایپ گروپس میں یہ خبریں گردش کررہی تھی کہ تیمور جھگڑا سے وزارت خزانہ کے بدلے 20 کروڑ روپے مانگے گئے اور انکار پر وزارت مزمل اسلم کو دیدی گئی۔
اس پر تیمور جھگڑا نے ردعمل دیتے ہوئے اپنے ٹوئٹر پیغام میں لکھا کہ سوشل میڈیا اور واٹس ایپ گروپس میں کچھ مضحکہ خیز دعوے چل رہے ہیں۔ مجھ سے کبھی کسی نے وزارت کے لیے ایک روپیہ نہیں مانگا۔
انہوں نے مزید کہا کہ تقسیم پیدا کرنے کی کوشش نہ کریں۔
ایک میڈیا ٹاک کے دوران انہوں نے کہا کہ میرے بارے میں خبریں پھیلائی گئیں کہ کسی نے وزارت کیلئے مجھ سے پیسے مانگے، میں چیلنج کرتا ہوں کہ میرا کوئی ایسا پیغام دکھادیں۔
انکا مزید کہنا تھا کہ ایسی باتیں پھیلاکر تحریک انصاف میں مس انڈرسٹینڈنگ پھیلانے کی کوشش کی جارہی ہے اسے ہم ناکام بنائیں گے۔
دوسری جانب کابینہ میں خزانہ کے قلمدان کے جھگڑے پر بریک تھرووزیر اعلی خیبر پختونخوا علی امین گنڈاپور اور تیمور جھگڑا میں ملاقات ہوئی ہے۔
علاوہ ازیں تیمور جھگڑا اور مزمل اسلم میں ٹیلی فونک رابطہ ہوا ہے۔ صوبے کے حقوق کیلئے مل کر کام کرنے پر اتفاق کیا گیا
- Featured Thumbs
- https://www.siasat.pk/data/files/s3/muzama1j1h131.jpg
