لاہور: (دنیا نیوز) ورلڈ کپ 2019ء میں قومی ٹیم سے باہر کیے جانے پر فاسٹ باؤلر جنید خان نے سوشل میڈیا پر منفرد احتجاج کیا۔
دنیا نیوز کے مطابق فاسٹ باؤلر جنید خان نے سوشل میڈیا پر اپنے منہ پر ٹیپ لگا کر تصویر جاری کی، اس تصویر میں جنید خان نے لکھا کہ کچھ بولنا نہیں، سچ کڑوا ہوتا ہے۔
یاد رہے کہ دورہ انگلینڈ کے دوران جنید خان اچھی کارکردگی نہ دکھا سکے۔ اس سیریز میں ان کو صرف دو میچوں میں موقع دیا گیا۔ جہاں وہ صرف دو وکٹیں لے سکے۔ 18 اوورز میں انہوں نے 142 رنز کی پٹائی برداشت کی۔
Source
پاکستان کرکٹ بورڈ کا ردعمل
ادھر پاکستان کرکٹ بورڈ(پی سی بی) نے جنید خان کی ٹوئٹ کو نظرانداز کرتے ہوئے فوری کوئی ایکشن نہ لینے کا فیصلہ کیا ہے۔
پی سی بی میں موجود ذرائع کے مطابق جنید خان تیسری بار ورلڈ کپ اسکواڈ سے ڈراپ ہوئے لہٰذا ان کا احتجاج فطری ہے تاہم جنید خان کی ٹوئٹ کے بعد پی سی بی نے ان پر کڑی نظر رکھنے کا فیصلہ کیا ہے۔
ذرائع کا کہنا ہے کہ جنید خان کی کیفیت کا اندازہ ہے اور اسی لیے جذباتی ٹوئٹ فی الحال نظرانداز کرنے کا فیصلہ کیا گیا ہے۔
انہوں نے مزید کہا کہ ورلڈ کپ سے قبل سینئر کھلاڑی کی جانب سے ایسا بیان مناسب نہیں، رائے دینا جنید خان کا حق ہے لیکن سینٹرل کنٹریکٹ کے حامل کھلاڑی کو ایک حد تک آزادی اظہار رائے حاصل ہے۔
ورلڈ کپ اسکواڈ سے اخراج پر جنید خان کا خاموش احتجاج
پاکستان کرکٹ بورڈ نے جنید خان کی ٹوئٹ پر فوری طور کوئی کوئی ایکشن نہ لینے کا فیصلہ کیا ہے۔
www.dawnnews.tv
