سابق بھارتی کرکٹر وریندر سہواگ نے ورلڈ کپ میں پاکستان کے سیمی فائنل میں پہنچنے کی پیش گوئی کردی ہے۔
تفصیلات کے مطابق وریندر سہواگ نے بھارتی ٹی وی چینل کو انٹرویو دیتے ہوئے ورلڈ کپ 2023 سے متعلق گفتگو کرتے کہا کہ اس ورلڈ کپ میں بھارت، پاکستان، انگلینڈ اور آسٹریلیا کی ٹیمیں سیمی فائنل تک کوالیفائی کریں گی۔
انہوں نے مزید کہا کہ یہ کہنا مشکل ہے کہ کون سی ٹیم میچ جیتے گی، مگر اتنا ضرور کہا جاسکتا ہے، کہ جس ٹیم نے پریشر ہینڈل کیا وہی کامیاب ہوگا، اگر کوئی پلیئر یہ کہتا ہے کہ اس کو میچ کا پریشر نہیں ہے تو وہ ٹھیک نہیں کہتا۔
بھارتی سابق کرکٹر نے کہا کہ نووے کی دہائی میں پاکستان ٹیم کے اعصاب بہت مضبوط تھے اور پاکستانی ٹیم بھارت پر اعصابی برتری رکھتی تھی، تاہم 2000 کے بعد سے بھارتی ٹیم بھی اعصاب پر بہتر انداز میں قابو پالیتی ہے، پہلے کے مقابلے میں بھارت اب پاکستان کے خلاف کھیلتے ہوئے اچھے طریقے سے پریشر ہینڈل کرلیتا ہے۔
- Featured Thumbs
- https://www.siasat.pk/data/files/s3/11sehwagagagaggaga.jpg
