سابق وزیراعلیٰ پنجاب وصدر تحریک انصاف چودھری پرویز الٰہی کو گزشتہ روز گرفتار کیے جانے کے بعد آج عدالت میں پیش کیا گیا۔ جوڈیشل مجسٹریٹ غلام مرتضیٰ ورک نے ان کے جسمانی ریمانڈ پر محفوظ فیصلہ سناتے ہوئے حکم دیا تھا کہ اگر وہ کسی دوسرے مقدمے میں مطلوب نہیں ہیں تو انہیں رہا کیا جائے۔
نگران پنجاب حکومت کی طرف سے چودھری پرویزالٰہی کو رہا کرنے والے جج غلام مرتضیٰ ورک کے خلاف پروپیگنڈا شروع کردیاگیا ہے۔
پنجاب کی نگران حکومت کے آفیشل ٹویٹر ہینڈل سے چودھری پرویز الٰہی کی رہائی کا حکم جاری کرنے والے جج غلام مرتضی ورک کے ٹویٹر پیغامات کے سکرین شاٹ شیئر کرتے ہوئے لکھا کہ: چودھری پرویز الٰہی کی آج میگا کرپشن سکینڈل میں رہائی کا حکم دینے والے جوڈیشل مجسٹریٹ غلام مرتضی ورک سیاسی طور پر پاکستان تحریک انصاف سے وابستگی ظاہر ہو رہی ہے۔
ترجمان کے مطابق غلام مرتضیٰ ورک اس وقت اینٹی کرپشن اور ایف آئی اے کے انتہائی اہم کیسز کو دیکھ رہے ہیں۔ پاکستان تحریک انصاف کی طرف ان کا جھکائو اور ان کے عجلت میں جاری کیے گئے فیصلے اور سوشل میڈیا پیچز سے واضح طور پر ظاہر ہو گیا ہے۔ سوشل میڈیا پروفائل سے یہ بات واضح ہو جاتی ہے کہ وہ تحریک انصاف سے سیاسی طور پر وابستہ ہیں۔
دریں اثنا نگران وزیر اطلاعات پنجاب عامر میرنے پریس کانفرنس کرتے ہوئے کہا کہ چوہدری پرویز الٰہی کا فیصلہ عدلیہ کے معیار پر سوالیہ نشان ہے۔ میگا کرپشن سکینڈل میں فوری طور پر ریلیف دینے والے جوڈیشل مجسٹریٹ غلام مرتضیٰ ورک کی پاکستان تحریک انصاف سے سیاسی وابستگی واضح ہے۔ اسے جج نے پہلے بھی 5 مقدموں میں پرویز الٰہی اور محمد خان بھٹی کو ریلیف دیا۔
سینئر کورٹ رپورٹر ثاقب بشیر نے عامر میر کی پریس کانفرنس کے ردعمل میں لکھا کہ: جج کی سیاسی وابستگی ہو شاید نا ہو، کیس کے فیصلے پر تنقید بھی کی جا سکتی ہے لیکن سوال یہ ہے کیا نگران حکومت کے وزیر کا یہ کام ہے کہ وہ مجسٹریٹ کی سیاسی وابستگی بارے بتائے؟ دوسری جانب کورٹ میں موجود صحافی کے مطابق اینٹی کرپشن والے اپنا ابتدائی کیس بھی کورٹ کے سامنے stablish نہیں کر سکے!
احمد وڑائچ نے ردعمل میں لکھا کہ: پرویز الٰہی کیخلاف ایک مقدمہ درج کیا، مدعی کون ہے؟ شکایت کس نے کی؟ کسی کو نہیں پتہ، اینٹی کرپشن حکام نے عدالت کو بتایا کہ: سورس رپورٹ کی بنیاد پر مقدمہ درج کیا، سرکاری وکیل نے فضول دلائل دیے، عدالت ڈسچارج نہ کرتی تو کیا کرتی؟؟
ایک صارف نے لکھا کہ: حکومت کا صاف پتہ چلتا ہے کہ وہ پی ٹی آئی اور عمران خان کی شدید مخالف ہے، ایسے واقعات، کیسز اور بیانات ان کی طرف سے آپ کے ہیں جن سے اس حکومت کا پی ٹی آئی مخالفت بلکہ دشمنی صاف نظر آتی ہے۔مثال کے طور پر آج ہی کہا کہ پرویز الہی کو اینٹی کرپشن نے گرفتار کیا، حکومت کا کوئی تعلق نہیں۔۔
ایک صارف نے لکھا کہ: یہ کیسی نگران حکومت ہے؟ اسے عدالت میں لے کر جانا چاہیے کیونکہ یہ لوگ پاکستان مسلم لیگ نے کے پارٹی ممبرز کے طور پر کام کر رہے ہیں۔
ایک صارف نے لکھا کہ: پہلے اس آئی ڈی کی تصدیق کرو! اور بعد میں جج کے خلاف باضابطہ جوڈیشل کمیشن میں کمپلین کرو! نگران ہو، پلیز اپنی اوقات میں رہو! نیوٹرل نہیں رہ سکتے تو چپ رہو، یہ سیاست بہت کتی چیز ہے، گھوم کر تمہیں ذلیل کرے گی۔
ایک صارف نے لکھا کہ: عامر میر جو کچھ تیرے Googly tv پر چل رہا ہوتا ہے، اینٹی تحریک انصاف ،اینٹی عمران خان پراپیگنڈا اور پرو پیپلز پارٹی کانٹینٹ، یہ سب کیا ظاہر کرتے ہیں۔ دوسری بات نگراں پنجاب حکومت میں کا یہ پوائنٹ آف ویو نہیں ہے۔عامر میر اپنے زاتی اکاؤنٹ یا پھر اپنی انفارمیشن منسٹری سے شئیر کرے ۔
جج زیبا کے معاملے میں تو جسٹس عامر فاروق کو بہت آگ لگی تھی کہ میری lower judiciary کی عزت کا سوال ہے! اب وارث میر کا پتر عامر میر سرکاری آفیشل اکاؤنٹ سے ایک حاضر سروس جوڈیشل مجسٹریٹ کی تضحیک کر رہا ہے۔اب اعلیٰ عدلیہ کی عزت کہاں گئی ؟؟؟
- Featured Thumbs
- https://www.siasat.pk/data/files/s3/7punajapavrvz.jpg
