نواز شریف کے شیروں کو الیکشن جیتنے کے لیے میری تجاویز
آپ کو میں بتاتا ہوں کہ عمران نیازی اور اس کی تحریک انصاف کے وہ کون سے عیب ہیں جن کو قوم کے سامنے بار بار لا کر آپ اس جماعت کی الیکشن والے روز ضمانتیں ضبط کروا سکتے ہیں۔
آپ کو میں بتاتا ہوں کہ عمران نیازی اور اس کی تحریک انصاف کے وہ کون سے عیب ہیں جن کو قوم کے سامنے بار بار لا کر آپ اس جماعت کی الیکشن والے روز ضمانتیں ضبط کروا سکتے ہیں۔
اول: اگر آپ کسی ایسے حلقے میں جائیں جہاں ووٹرز مذہبی ہیں اور پیری مریدی سے ہٹ کر قرآن و سنت والے اسلام کی پیروی کرتے ہیں، توایسے ووٹرز کے سامنے عمران نیازی اور اس کی پنکی شیطان کے شرکیہ اعمال کی تشہیر کریں۔ لوگوں کو بتائیں کہ یہ شخص شیطان کے راستے یعنی شرک کے راستے وزیراعظم ہاؤس تک پہنچنا چاہتا ہے۔ پنکی کے جادو ٹونے اور تعویڈ گنڈوں کا حال بتائیں۔
دوئم: جس حلقے کی آبادی پڑھی لکھی لبرل قسم کی ہے، وہاں بتائیں کس طرح عمران نیازی کی جماعت کو طالبان ظالمان سے بالواسطہ مدد ملتی رہی ہے۔ کیسے خیبر پختونخوا میں 2013 اور اب 2018 کے الیکشن سے پہلے عوامی نیشنل پارٹی کو طالبان کے ذریعے قتل و غارت گری کا نشانہ بنایا گیا اور تحریک انصاف کو زبردستی کامیاب کرانے کی کوشش کی گئی۔ تحریک انصاف کو حکومت ملی تو پاکستان میں طالبان، اور دوسری کالعدم تنظیمیں بوٹ والوں کی سرپرستی میں کام کرتی رہیں گی اور پاکستان کا وقار دنیا بھر میں مجروح کرنے کے علاوہ ہمیں پڑوسی ممالک کے ساتھ صف آرائی جاری رکھنے پر مجبور کریں گی، اور ہماری قوم کے بجٹ کی کثیر مقدار بلاضرورت جنگ و جدل اور دفاع میں صرف ہو گی۔
سوئم: اپنے حلقے کے پڑھے لکھے عوام کو یہ بھی بتائیں کہ کس طرح وردی اور تحریک انصاف کے گٹھ جوڑ سے اس ملک میں انصاف کا خون کیا جارہا ہے۔ شاہ زیب خان کا قاتل شاہ رخ جتوئی آزاد ہے، کیوں کہ وہ بااثر ہے۔ نقیب اللہ کا قاتل راؤ انوار عدل و انصاف کے اصولوں کا مذاق اڑا رہا ہے۔ ہمارا چیف جسٹس، بحریہ ٹاؤن کے ڈان ملک ریاض سے 5 ارب رشوت لے کر اسے باعزت بری کر دیتا ہے جبکہ ملک ریاض نے زرداری گروپ سے سینکڑوں ایکڑ سرکاری زمینیں کوڑیوں کے مول ہتھیائی ہیں۔ کیا ہمارے عوام کو ایسا بکنے والا انصاف چاہیے؟
چہارم: عوام کو عمران خان کی اخلاقی پستی کا حال بتائیں۔ سیتاوہائٹ کی کہانی دہرائیں۔ کس طرح اس شخص نے اپنی واحد بیٹی کو اس لیے نہیں اپنایا کیوں کہ اس سے اس کی 'پارسائی' کا پردہ چاک ہوجاتا۔
پنجم: عورتوں کے حقوق کی تنظیموں اور نسوانیت پر کام کرنے والے اداروں اور طلباء و طالبات کو بتائیں کہ عمران نیازی عورتوں کا دشمن ہے اور ان کے حقوق کا غاصب ہے۔ اپنی واحد بیٹی کو اپنی سیاست پر قربان کر دیا۔ اس کو اپنانے سے انکاری ہے۔ بیویوں کو طلاقیں دے کر گھر بھیج دیا۔ تیسری شادی بھی اس لیے کی کہ جادوگرنی کے منتراور انگوٹھی سے وزیراعظم بننے کی امید ہے۔ عائشہ گلالئی کے ساتھ جو ہوا اور جو پتہ نہیں اور کس کس کے ساتھ ہوا ہو گا۔ ریحام خان کی کتاب کی خبریں سن کر عمران خان کے جیالوں نے کس طرح ریحام خان کو گالیوں سے نوازا اور جان سے مارنے کی دھمکی دے کر بالآخر چپ کرادیا۔ یہ ہے عورتوں کے ساتھ اس جماعت کا سلوک۔
ششم: ختم نبوت پر کام کرنے والے اداروں کو عمران خان کی وہ ویڈیو دکھائیں جب دوران دھرنا اس نے امریکہ میں مقیم ایک قادیانی کو اپنا وزیر خزانہ بنانے کا عندیہ دیا تھا۔ ایک اور ویڈیو دکھائیں جب یہ پاکستان سے باہر قادیانیوں کو مسلمانوں کی صف میں لانے کی بات کررہا تھا۔
ہفتم: الیکشن ایکٹ 2017 میں ختم نبوت کے معاملے پر اسلام آباد ہائی کورٹ کا فیصلہ دکھائیں جس میں تحریک انصاف کو بھی ختم نبوت کے حلف نامے میں ترمیم کا ذمہ دار ثابت کیا گیا ہے۔
ہشتم: صوبہ خیبر پختونخوا میں تحریک انصاف کی حکومت کی ناقص کارکردگی کا احوال بتائیں۔ کیسے پشاور کھدا پڑا ہے اور کھنڈرات کا نمونہ پیش کر رہا ہے۔ پشاور کی گندگی اور کچرے کی تصویر دکھائیں۔ ان کے 300 ڈیمز اور بجلی کے دعووں کی قلعی کھولیں۔ بلین ٹری کے دھوکے سے آگاہ کریں۔
نہم: تحریک انصاف جس صحت سہولت کارڈ کے ساتھ کھیلنے کی ناکام کوشش کر رہی ہے، اس کو بے نظیر انکم سپورٹ پروگرام اور پنجاب میں صحت انشورنس کے ساتھ موازنہ کر کے انصافیوں کی پول کھولیں۔ اگر خیبر پختونخوا میں سب اچھا ہے تو وہاں کے لوگ بہ غرض علاج پنجاب اور کراچی کیوں آتے ہیں؟
دہم: تحریک انصاف اپنے الیکشن اشتہارات میں پشاور کے شوکت خانم ہسپتال کو دکھا رہی ہے۔ لوگوں کو بتائیں کہ شوکت خانم ہسپتال تحریک انصاف کی خیبر پختونخوا حکومت نے نہیں بنایا۔ بلکہ پاکستانیوں کی زکوٰۃ کی رقم سے تعمیر ہوا ہے۔ اور پاکستان بھر کے عوام کی زکوٰۃ کے پیسوں سے تعمیر ہونے والے ہسپتال کو عمران نیازی سیاسی مفادکے لیے استعمال کر رہا ہے جو کہ ایک بدنیتی اور ناانصافی پر مبنی عمل ہے۔
یازدہم: لوگوں کو بتائیں کہ کس طرح عمران نیازی برطانیہ میں اپنے غنڈے بدمعاش بھیج کر 70 سالہ بوڑھے شخص نواز شریف اور اس کی جوان بیٹی کو ہراساں کروا رہا ہے۔ کس طرح یہ شخص اپنے شیطانی چیلوں کے ذریعے سوشل میڈیا پر لوگوں کی عزتیں اچھالتا ہے۔ لوگوں سے پوچھیں کیا وہ بھی اپنی اولادوں کو اس بدکردار شخص کے نقش قدم پر چلانا چاہتے ہیں۔
دوازدہم: لوگوں کو بتائیں کہ کیسے عمران خان اپنے کزن ماجد خان، جاوید برکی اور ایک انکل کی انگلی پکڑ کر قومی کرکٹ ٹیم میں آیا۔ ناقص کارکردگی اور نااہلی کے باوجود ٹیم کا حصہ بنا رہا کیوں کہ اس کے رشتہ داروں نے کرکٹ ٹیم کو باپ کی جاگیر بنایا ہوا تھا۔ تو جو شخص بغیر میرٹ کے کرکٹ ٹیم میں شامل ہوا، وہ میرٹ کی بات نہ ہی کرے تو بہتر ہے۔
سیزدہم: پاکستان کے مایہ ناز آل راؤنڈر قاسم عمر نے میڈیا پر آکر عمران نیازی (ٹیم کے کپتان) اور چیلوں پر الزام لگایا کہ یہ لوگ کرکٹ کٹ کے اندر منشیات چھپاکر انگلینڈ لے کر گئے اور ہوٹل میں لڑکیوں سے ملتے ہیں اور میچ فکسنگ میں بھی ملوث ہیں۔ پی سی بی نے نہ صرف قاسم عمر کو شٹ اپ کروادیا بلکہ ٹیم سے بھی ہمیشہ کے لیے نکال دیا۔ جس طرح نیازی نے عدالتوں کو ساتھ ملایا ہوا ہے، اس زمانے میں پی سی بی میں پی سی بی اس کے ساتھ شریک جرم تھی کیوں کہ اس میں ان کے قبیلے کے لوگ تھے۔
چہاردہم: ریحام خان نے عمران خان پر اغلام بازی یعنی قوم لوط کی پیروی کا الزام لگایا ہے جو بے حد سنگین الزام ہے۔ ایسے الزام کی عدالتی تحقیقات ہونی چاہیے ، عائشہ گلالئی کے الزامات کی بھی تحقیقات ہونی چاہیے تھی مگر وردی والوں کے دباؤ سے لاڈلے کو ہر بار بچالیا جاتا ہے۔
پانزدہم: کارکنوں کی روزانہ کی بنیادوں پر تربیت کریں، ان کو بریفنگ دیں، ان نکات کو یاد کروا کر انہیں دہرانے اور بیان کرنے کو کہاجائے۔ بہتر ہوگا کہ کتابچے چھپوا کر حلقوں میں تقسیم کروائے جائیں بمع تصاویر۔
شانزدہم: عمران نیازی جو دن رات نواز شریف کی کرپشن کرپشن کے راگ سناتا رہتا ہے، اس کے لیے 1999 کی فوجی بغاوت کے بعد 14 سال سزا اور نااہلی کے فیصلے کا اخباری تراشہ چھپوا کر اسے بھی کتابچے کا حصہ بنایا جائے۔ لوگوں کو بتایا جائے کہ اگر 18 سال پہلے ایک عدالت کی طرف سے ایک جھوٹا فیصلہ آسکتا ہے تو آج کیوں نہیں؟
شانزدہم: عمران نیازی جو دن رات نواز شریف کی کرپشن کرپشن کے راگ سناتا رہتا ہے، اس کے لیے 1999 کی فوجی بغاوت کے بعد 14 سال سزا اور نااہلی کے فیصلے کا اخباری تراشہ چھپوا کر اسے بھی کتابچے کا حصہ بنایا جائے۔ لوگوں کو بتایا جائے کہ اگر 18 سال پہلے ایک عدالت کی طرف سے ایک جھوٹا فیصلہ آسکتا ہے تو آج کیوں نہیں؟
- Featured Thumbs
- https://i.ytimg.com/vi/FSbZRI3jCF0/hqdefault.jpg
Last edited:
