حج کے موقع پر ناقص انتظامات پر ڈائریکٹر جنرل حج سے سات روز میں وضاحت طلب کرلی گئی۔ سیکرٹری وزارت مذہبی امور نے سعودی عرب میں تعینات ڈی جی حج کو نوٹس جاری کرتے ہوئے کہا کہ حج مشن پاکستانی حجاج کو مقدس فریضے کی ادائیگی میں آسانی فراہم کرنے کا ذمہ دار ہے۔
وزارت کی جانب سے کہا گیا ہے کہ مشن مکہ اور مدینہ منورہ میں حجاج کے لیے رہائش، ٹرانسپورٹ اور کھانے کا انتظام کرتا ہے۔ وفاقی حکومت نے ایک بڑا بجٹ مختص کیا، پچھلے دو سالوں سے مشن کے پاس زیادہ کام نہیں تھا 2020 میں حج نہیں ہوا توقع تھی کہ پاکستانیوں کو بہترین خدمات فراہم کرنے کے لیے پورے دل سے کام کریں گے، لیکن توقع کے برعکس حج انتظامات ناقص تھے۔
سیکرٹری مذہبی امور نے کہا کہ نے سینکڑوں درخواستیں وصول ہوئیں جن میں کھانے کے غیرمعیاری ہونے سے متعلق شکایات تھیں، منیٰ اور عرفات میں انتظامات انتہائی خراب تھے کہ ٹرانسپورٹ بھی بروقت فراہم نہیں کی گئی، مجھے 50 دیگر افراد بشمول خواتین سمیت عرفات سے دو گھنٹے تک پیدل چلنا پڑا۔
سیکرٹری مذہبی امور نے کہا کہ آپ اور آپ کے ڈائریکٹرز کو فیلڈ اور ورکنگ ڈے میں ہونا چاہیے تھا، رات میں نے ذاتی طور پر ڈائریکٹر مکہ اور مدینہ کو احرام میں حج کرتے دیکھا، حج سے پہلے اور عرفات کے دن میری طرف سے واضح ہدایات کے باوجود آپ نے جان بوجھ کر تمام احکامات کی نافرمانی کی۔
نوٹس میں کہا گیا کہ آپ سے اگلے 7 دنوں کے اندر اپنے موقف کی وضاحت کریں، اگر ایسا نہ کیا گیا تو آپ اور آپ کے ڈائریکٹرز کے خلاف تادیبی کارروائی شروع کی جائے گی۔
- Featured Thumbs
- https://www.siasat.pk/data/files/s3/2hajjintazmaatdghajj.jpg
