پاکستان کے 24ویں وزیراعظم کے طور پر وزیراعظم شہبازشریف نے اپنے عہدے کا حلف ایوان صدر میں منعقدہ تقریب میں اٹھا لیا ہے، تقریب میں سبکدوش نگران وزیراعظم انوارالحق کاکڑ بھی موجود تھے۔ سبکدوش ہونے والے نگران وزیراعظم انوارالحق کاکڑ نے سماجی رابطوں کی ویب سائٹ ٹوئٹر پر قوم کیلئے الوداعی پیغام جاری کیا جس پر مختلف سیاسی، سماجی رہنمائوں اور صحافیوں کی طرف سے شدید تنقید کی جا رہی ہے۔
سابق نگران وزیراعظم انوارالحق کاکڑ نے اپنے ٹوئٹر پیغام میں لکھا کہ بطور نگران وزیراعظم پاکستان میرا دور ختم ہونے پر میں سب کا شکریہ ادا کرنا چاہتا ہوں، اس نازک ترین دور میں اپنی قوم کی خدمت کرنا میرے لیے اعزاز کی بات ہے، قوم کیلئے جو کچھ ہم نے مل کر کیا اس پر مجھے فخر ہے! اقتدار میں آنیوالی حکومت کی کامیابی کیلئے دعاگو ہیں تاکہ وہ مستقبل میں قوم کی رہنمائی کر سکیں اور امید ہے پاکستان ترقی کی منازل طے کرے، آمین!
سینئر صحافی وتجزیہ کار طارق متین نے سابق نگران وزیراعظم کے ٹوئٹر پیغام پر ردعمل دیتے ہوئے لکھا: اب تک کے بدترین نگران وزیراعظم!
معروف قانون دان ورہنما پاکستان تحریک انصاف نعیم حیدر پنجوتھا نے لکھا: سابق نگران وزیراعظم انوارالحق کاکڑ کا دور تاریخ کا سیاہ ترین دور رہا، کچھ شرم حیا ہوتی تو تین مہینے سے ایک دن اوپر نہ بیٹھتے، تم نے لوگوں کی عزتیں پامال کیں، گھروں میں ریڈ کروائے، تمہیں حساب دینا ہو گا، انشاء اللہ ہم حساب لیں گے!
سینئر صحافی زبیر علی خان نے طنزیہ انداز میں لکھا: آپ ہمیشہ یاد رکھے جائیں گے سر! آپ کی "سروسز" کا بہت بہت شکریہ!
سینئر صحافی ارم زعیم نے لکھا: یہ سب سے تاریک، وحشیانہ، انتہائی متعصبانہ نگران حکومت کا دور تھا جو بالآخر ختم ہو گیا۔ اللہ تعالیٰ سے دعا ہے کہ پاکستان کو پھر کبھی اس لعنت میں مبتلا نہ کرے۔ اللہ پاکستان کی مدد کرے!
عدنان ظہیر خواجہ نے لکھا: تاریخ انوارالحق کاکڑ کو مینڈیٹ چوروں کے محافظ کے طور پر یاد رکھے گی!
عظمت کاکڑ نے لکھا: بدقسمتی سے آپ ملک میں آزادانہ اور منصفانہ انتخابات کرانے میں بری طرح ناکام رہے ہیں جو کہ آپ کی واحد ذمہ داری تھی۔ 8 فروری کو ہونے والے انتخابات پاکستان کی تاریخ کے بدترین انتخابات تھے جن میں عوام کا مینڈیٹ چرایا گیا۔
سینئر صحافی اسد ابوریحان نے لکھا: الحمدللہ! پاکستان کی تاریخ کا ایک غیر آئینی غیر قانونی ، ظالم ،بے شرم ، انسانی حقوق پامال کرنے ، آئین کو مسخ کرنے، سٹبلشمنٹ کا کٹھ پتلی اور بدنما باب (نگران سیٹ اپ ) بند ہو گیا لیکن تاریخ اور محکوم اقوام کبھی نہیں بھولیں گے ۔
- Featured Thumbs
- https://www.siasat.pk/data/files/s3/5kkkerrhftt.png
