قومی ٹیم کے سابق فاسٹ باؤلر شعیب اختر نے ورلڈ کپ فائنل میں شکست کےبعد قومی ٹیم کا حوصلہ بندھاتے ہوئے کہا ہے کہ ہم انشااللہ بھارت میں ورلڈ کپ اٹھائیں گے۔
تفصیلات کے مطابق میلبر ن میں کھیلے جانے والے آئی سی سی ٹی 20 ورلڈ کپ میں انگلینڈ نے پاکستان کو 5وکٹوں سے شکست دے کر ٹائٹل اپنے نام کرلیا ہے۔
میچ کےبعد تبصروں اور تجزیوں کو سلسلہ جاری ہے، ایسے میں سابق فاسٹ باؤلر نے اپنے ویڈیو پیغام میں ٹیم کا حوصلہ بندھاتے ہوئے امید ظاہر کی ہے کہ انشااللہ ہم بھارت میں ہونے والا اگلا ورلڈ کپ جیتیں گے۔
ٹویٹر پر جاری اپنے پیغام میں شعیب اختر کا کہنا تھا کہ دل دکھا ضرور ہے ٹوٹا نہیں ہے، پاکستان ٹیم نے بہترین کارکردگی کا مظاہرہ کیا، ایونٹ کے آغاز میں آپ کہیں نظرنہیں آرہے تھے مگر پھر آپ فائنل تک پہنچ گئے،پورے ٹورنامنٹ میں پاکستانی باؤلرز نے شاندار بولنگ کی اور پاکستان کو فائنل میں پہنچانے میں اہم کردار ادا کیا۔
انہوں نے مزید کہا کہ ہماری قسمت تھی تاہم ہم اچھا کھیل کر فائنل میں پہنچے، شاہین شاہ کے ان فٹ ہونے سے میچ کا رخ ہی بدل گیا، کوئی بات نہیں، ہمیں سر نہیں گرانے ، جیسا بین اسٹوک نے2016میں چھکے کھاکر اپنی ٹیم کو ورلڈ کپ ہروادیا تھا آج اس نے اپنی ٹیم کو ورلڈ کپ جتوادیا۔
شعیب اختر نے قومی ٹیم کے کھلاڑیوں کا حوصلہ بندھاتے ہوئے کہا کہ کسی چیز سے پریشان ہونے کی ضرورت نہیں ہے، میں آپ کے ساتھ کھڑا ہوں، آپ نے بہت اچھا کھیلا، پوری قوم دکھی ضرور ہے مگر آپ کے ساتھ کھڑی ہے، ریلکس کریں انشااللہ بھارت میں ورلڈ کپ اٹھائیں گے۔
- Featured Thumbs
- https://www.siasat.pk/data/files/s3/11shoaibsupprtteam.jpg
