خبررساں ادارے کی رپورٹ کے مطابق برطانیہ کی ملکہ الزبتھ دوم 96 برس کی عمر میں دنیا فانی سے کوچ کرگئی ہیں، شاہی خاندان نے ان کی موت کی تصدیق کردی ہے۔
قبل ازیں برطانیہ کے شاہی خاندان کی رہائش گاہ بکنگھم پیلس کی جانب سے جاری کردہ بیان میں کہا گیا تھا کہ 96 سالہ ملکہ الزبتھ دوم کی صحت تشویشناک ہے، انہیں فوری طور پر طبی نگرانی میں منتقل کرنے کی سفارش کی گئی ہے۔
برطانوی وزیراعظم لزٹرس نے اس حوالے سے ردعمل دیتے ہوئے کہا تھا کہ بکنگھم پیلس سے آنے والی خبروں سے پورا ملک شدید فکر مند ہے میرےاور پورے برطانیہ کےلوگوں کی نیک تمنائیں ملکہ اور ان کے اہلخانہ کے ساتھ ہیں۔
واضح رہے کہ بکنگھم پیلس کی جانب سے یہ بیان ملکہ الزبتھ کی جانب سے اپنی پریوی کونسل کا اجلاس منسوخ کرنے کے ایک دن بعد سامنےآیا۔