وزیراعلی پنجاب مریم نواز نے راولپنڈی پولیس کی کارکردگی کو سراہا, جس پر راولپنڈی پولیس کے آفیشل ایکس اکاونٹ پر خوشی کا اظہار کیا. انہوں نے لکھا حوصلہ افزائی پر ہم وزیر اعلیٰ پنجاب کا تہہ دل سے شکریہ ادا کرتے ہیں۔
راولپنڈی پولیس کے مرد اور خواتین ہمارے شہریوں کی حفاظت اور خدمت کے لیے پرجوش طور پر چوکس کھڑے ہیں۔ ہماری کوشش انتھک ہے اور ہمارا عزم قطعی ہے۔ انشاء اللہ.
راولپنڈی پولیس اور محکمہ انسداد دہشتگردی نے مشترکہ کارروائی کرتے ہوئے 3 مبینہ دہشتگردوں کو گرفتار کرکے اڈیالہ جیل کو بڑی تباہی سے بچالیا,سٹی پولیس آفیسر راولپنڈی خالد ہمدانی نے بتایا کہ مشترکہ کارروائی میں اڈیالہ جیل کو بڑی تباہی سے بچا لیا گیا ہے، بھاری اسلحہ اور بارود سمیت 3 دہشتگرد گرفتار کیے گئے جن کا تعلق افغانستان سے ہے,سی پی او راولپنڈی کا مزید کہنا ہے کہ دہشتگردوں سے اڈیالہ جیل کا نقشہ، دستی بم اور دیسی ساختہ بم برآمد ہوئے۔
جڑواں شہروں راولپنڈی اور اسلام آباد کی مرکزی اڈیالہ جیل میں اس وقت اطلاعات کے مطابق لگ بھگ سات ہزار سے زائد قیدی ہیں جن میں اہم شخصیات بھی شامل ہیں,اڈیالہ جیل میں بند قیدیوں میں اس وقت سابق وزیراعظم عمران خان، سابق وزیر خارجہ شاہ محمود اور سابق وزیراعلٰی پنجاب چوہدری پرویز الٰہی سمیت کئی دیگر سیاستدان بھی شامل ہیں۔
گذشتہ سال سات نومبر کو اڈیالہ جیل کے گیٹ نمبر پانچ کے قریب راولپنڈی کے نواحی علاقہ گورکھپور میں مشکوک بیگ کی اطلاع ملی تھی جس سے بعد میں بم ڈسپوزل اسکواڈ ناکارہ بنا دیا تھا۔بم ڈسپوزل سکواڈ کے مطابق ایک بیگ سے 1200 گرام بارود والا بم ملا جسے گیٹ نمبر پانچ سے 100 میٹر دور فاصلہ پر ڈھاکہ سویٹ گورکھ پور کے قریب رکھا گیا تھا۔
- Featured Thumbs
- https://www.siasat.pk/data/files/s3/arhssma11hh.jpg
