گزشتہ روز نجم سیٹھی نے ایک خبر دی کہ عمران خان سے بات چیت شروع ہوگئی ہے، تحریک انصاف کیلئے اچھی خبریں آئیں گی، جون تک عمران خان کی رہائی کا امکان، عید سے پہلے بڑے رہنما رہا ہوں گے،
انہوں نے مزید کہا کہ 6 مئی کو عمران خان کے ساتھ جیل میں ہونے والی ملاقات کے بعد ٹویٹر کھولا گیا۔ عمران خان کو باقاعدہ ایسے بریفنگ دی گئی جیسے کسی وزیراعظم کو دیتے ہیں۔
ان خبروں کو پی ٹی آئی سپورٹرز اور بعض صحافیوں نے ٹرک کی بتی قرار دیا، ان کا کہنا تھا کہ 9 مئی پر فرد جرم کی تاریخ مقرر ہونے اور علیمہ خان کی درخواست مسترد ہونے سے پتہ چل گیا کہ کونسی ٹھنڈی ہوائیں چل رہی ہں۔
انہوں نے مزید کہا کہ جب بھی تحریک انصاف احتجاج کی کال دینے کا پلان بناتی ہے تو مذاکرات کی باتیں شروع ہوجاتی ہیں۔ ہم یہ پچھلے سال سے سن رہے ہیں کہ عمران خان یہ عید گھر پر گزاریں گے، کئی عیدیں گزر گئیں اور ایک بار پھر لالی پاپ دیا جارہا ہے کہ عمران خان گھر پر عید گزاریں گے۔
فیاض شاہ نے تبصرہ کیا کہ علیمہ خان کو عمران خان سے ملاقات کی اجازت نہیں دے رہے۔ انہوں نے نمل یونیورسٹی کے فنڈ ریزنگ پروگرام میں برطانیہ جانا تھا اُس کی بھی اجازت نہیں دی جا رہی لیکن اِس کے باوجود یہاں کچھ بیوقوفوں کو "ٹھنڈی ہوائیں" چلتی نظر آ رہی ہیں اور وہ یقین کر بیٹھے ہیں کہ عمران خان عید پر گھر ہو گا۔
شہر بانو نے طنز کیا کہ کوئی رہ تو نہیں گیا جس نے ٹرک کی بتی کے پیچھے نہ لگایا ہو
حیدر سعید نے اپنے ویڈیو پیغام میں کہا کہ جب بھی ہماری کوئی تحریک چلنے لگتی ہے ہمیں ٹرک کی بتی کے پیچھے لگا دیا جاتا ہے ہمیں دوبارہ سے ٹرک کی بتی کے پیچھے لگایا جارہا ہے جب تو خان صاحب خود باہر نکل کر "میرے پاکستانیوں" نہیں بول دیتے ہم نے کسی کی بات پہ یقین نہیں کرنا یہ ہماری تک تحریک کو ناکام کرنے کی سازش ہے پہلے بھی اسی طرح ہماری تحریکوں کو ناکام کیا گیا ہے
مقدس فاروق اعوان کا کہنا تھا کہ سنا ہے 24 مئی کو 9 مئی کے ملزمان پر فرد جرم عائد ہونے والی ہے ٹرک کی بتی کدھر ہے؟ پیچھے لگنا ہے
عمران ریاض نے کہا کہ جیسے ہی عوامی تحریک کی بات ہوتی ہے تو اسی وقت میڈیا ہاوسز سے مذاکرات کی خبریں چلوا دی جاتی ہیں لیکن اب قوم سمجھ چکی ہے کہ مذاکرات صرف ٹرک کی بتی ہے۔
عمران خان کے انتہائی قریبی ساتھی احمد خان نیازی نے تبصرہ کیا کہ ٹاوٹ میڈیا اور لیڈرشپ سب جھوٹ بول رہے ہیں، اسٹیبلشمنٹ ڈیل مانگ رہی ہے جبکہ عمران خان اپنے لیے صاف شفاف ٹرائل اور تازہ الیکشن اس سے دوسری بات کوئی نہیں ہے۔ اِس میں پتا نہیں کیا مذاکرات ہیں جوپچھلے دو سال سے ختم نہیں ہو رہے۔
انہوں نے مزید کہا ک سیدھی سادھی بات ہے کوئی راکٹ سائنس تو ہے نہیں۔ یہ ہم کب سے سُن رہے ہیں خان عید سے پہلے آ رہا ہے خان عید کے بعد آ رہا ہے خان رمضان سے پہلے آ رہا ہے خان حج پر آ رہا ہے۔ یاد رکھیں جب جب پی ٹی آئی کے ورکرز اور عوام احتجاج کی تیاری کرتے ہیں تو یہ ڈرامہ شروع ہو جاتا ہے۔
احمد نیازی کا کہنا تھا کہ ایک بات یاد رکھیں عمران خان پُر امن احتجاج سے ہی نکلے گا ورنہ یہی ڈرامہ لگا رہے گا اور عوام بیوقوف بنتی رہے گی۔ تحریک کی سب پلاننگ ہو گئی ہے کچھ دن میں عوام سڑکوں پر ہو گی عمران خان کی رہائ کے لیے۔ سب تیار ہو جائیں۔
شفیع یاسین زئی نے لکھا کہ علیمہ خان نے کلیئر اور واضح کہہ دیا ہے کہ کوئی مذاکرات نہیں ہو رہا مذاکرات کا چورن اب نہیں بکے گا!
سعید بلوچ نے تبصرہ کیا کہ علیمہ خان کی راولپنڈی کی عدالت میں حاضری سے استثنیٰ اور فنڈ ریزنگ کے لیے بیرون ملک جانے کی درخواست مسترد کر دی گئی ہے اور کچھ نادان کہتے ہیں پی ٹی آئی کے لیے ٹھنڈی ہوائیں چلنے والی ہیں
وصی کا کہنا تھا کہ قوم کو پھر سے ٹھنڈی ہواؤں کے پیچھے لگایا جا رہا ہے۔۔۔ لیکن ٹھنڈی ہوائیں تب ہی آئیں گی جب پوری قوم اپنے لیڈر کیلئے باہر نکلے گی۔۔۔
ایک صارف نے لکھا کہ ٹھنڈی ہوائیں اور مذاکرات = نئی پھٹیچر پیکنگ میں پرانا چورن بس فری ریفریشمنٹ کے ساتھ
Last edited by a moderator:
