قومی کرکٹ ٹیم کے بلے باز بابر اعظم نے اپیل کی ہے کہ انہیں "کنگ شنگ" کہنا بند کر دیں۔
سہ ملکی سریز میں جنوبی افریقا کے خلاف قومی ٹیم کی کامیابی کے بعد گفتگو کرتے ہوئے بابر اعظم نے کہا کہ جب بھی بیٹنگ کے لیے جاتا ہوں، میری کوشش ہوتی ہے کہ اچھا اسکور کروں، لیکن بدقسمتی سے اننگز کو مکمل نہیں کر پاتا۔ آج رضوان اور سلمان نے بہت اچھا کھیلا ہے، ایسی کارکردگی ٹیم میں اعتماد پیدا کرتی ہے۔ بابر اعظم نے مزید کہا کہ مجھے "کنگ شنگ" کہنا بند کر دیں، میں ابھی کوئی کنگ نہیں ہوں، جب کھیل کر دیکھیں گے، تب بات کریں گے۔ میرے لیے اوپننگ ایک نیا رول ہے، اور ٹیم کی ڈیمانڈ پر یہ ذمہ داری قبول کی ہے۔ جب اننگز بنتی ہے تو گیم چلانے کا اندازہ ہو جاتا ہے اور پچ کا بھی پتہ چلتا ہے۔ میں ہمیشہ کوشش کرتا ہوں کہ اچھا کھیلوں، مگر سیٹ ہونے کے باوجود لمبی اننگز نہیں کھیل پا رہا۔
بابر اعظم نے یہ بھی کہا کہ وہ خود سے بات کرتے ہیں کہ اس صورتحال سے کیسے نکلنا ہے۔ جو کچھ پہلے کیا، وہ ماضی کی بات ہے، کیونکہ اگر میں پچھلی پرفارمنس میں رہا تو آگے نہیں پرفارم کر پاؤں گا۔ جو کچھ پہلے کیا وہ گزر چکا ہے، اگلے دن نیا پلان اور نیا مائند سیٹ ہوتا ہے۔ جب بڑا ٹوٹل عبور کر کے کامیاب ہوتے ہیں تو اس سے اعتماد ملتا ہے۔
- Featured Thumbs
- https://i.postimg.cc/vB5TWGF8/babar.jpg
