لاہور میں عمرے کیلئے جعلی ویکسین سرٹیفکیٹ جاری کیے جانے کا انکشاف

لاہور میں عمرے پر جانے والے افراد کو جعلی ویکسین سرٹیفکیٹ جاری کرنے کا معاملہ سامنے آیا ہے۔

وفاقی تحقیقاتی ادارے (ایف آئی اے) کے ترجمان کے مطابق، برڈ ووڈ روڈ پر واقع فیڈرل ہیلتھ سینٹر میں تعینات ڈاکٹر شہزاد نسیم، نرسنگ اسسٹنٹ اکرم، اور جونیئر کلرک شیراز سمیت دیگر ملازمین پر الزام ہے کہ انہوں نے عمرے پر جانے والے ایک شہری سے جعلی ویکسین سرٹیفکیٹ جاری کرنے کے بدلے 20 ہزار روپے وصول کیے۔

ایف آئی اے حکام کے مطابق، فیڈرل ہیلتھ سینٹر کے ڈاکٹر سمیت 6 ملزمان کو گرفتار کر لیا گیا ہے اور ان کے خلاف مقدمہ درج کر دیا گیا ہے۔

حکام کا کہنا ہے کہ اس ویکسین سینٹر پر گردن توڑ بخار (مننجائٹس) کی ویکسین لگائے بغیر ہی سرٹیفکیٹ جاری کیے جا رہے تھے، جو ایک سنگین غلط کاری ہے۔ اس معاملے کی تفتیش جاری ہے، اور مزید کارروائی کی جائے گی۔​

 

[taban]

علامہ اقبال کہتے تھے کہ ذرا نم ہو تو یہ مٹی بڑی زرخیز ہے مٹی زرخیز تو ہو گئی ہے مگرپانی کی نمی سے نہیں موتر کی نمی سے زرخیز ہوئی ہے اسی لئے ہر قسم کی دو نمبری اس ملک میں عام ہے صدروزیر اعظم سے لے کر ریڑھی والے اور بھیک منگے تک سب چور اور بے ایمان ہیں مگر مسجدیں ٹکریں مارنے والوں سے بھری ہوتی ہیں