لاہور: جادو ٹونہ کرنے والی خاتون گھر لوٹ کر فرار،خاتون بے اولود تھی جو اولاد کی خاطر اور شوہر کی جان بچانے کیلئے تین افراد کو گھر لے آئی تھی
یہ واقعہ لاہور کے علاقہ ہنجروال میں پیش آیا جہاں بے اولاد خاتون کے شوہر کی جان بچانے اور اولاد کی خاطر بلانے پر جادو ٹونہ کرنے والا گروہ گھر لوٹ کر فرار ہوگیا۔
رابعہ رانی نے اولاد نہ ہونے پر ثریا نامی خاتون سے رابطہ کیا جو علاقے میں جادو ٹونے اور کالے جادو کا کام کرتی تھی۔ اولاد کے حصول اور خاوند کی جان بچانے کے لیے گھر آئی خاتون اپنے ساتھیوں کے ساتھ مل کر لوٹ مار کرکے فرار ہوگئی۔
ملزمہ نے جادو کے اثرات دور کرنے کے لیے 7 تولے سونا، 7 بکرے، ایک بچھڑا چڑھاوا لیا۔
جادو ٹونہ کرنے کے بہانے ثریا اپنے ساتھ 3افراد کو لے کر آئی، جو گھر سے لاکھوں روپے مالیت کا سونا اور نقدی لوٹ کر فرار ہو گئے۔
جادو ٹونہ کرنے والی ملزمہ ثریا بی بی نے 7 تولہ سونا امانتاً لیا اور کہا کہ جادو کرنے کا وعدہ کیا ۔رابعہ نے سونا 2ماہ بعد واپس مانگا تو ثریا نے اس کے گھر ایک بار پھر آکر جادو ٹونہ کرنے کا کہالیکن دو ماہ بعد 3 افراد کے ہمراہ متاثرہ خاندان کے گھر سے سونا اور نقدی لیکر فرار ہو گئی۔
پولیس نے واقعے کا مقدمہ درج کر کے کارروائی کا آغاز کر دیا ہے۔ پولیس کا کہنا ہے کہ ملزمان کی گرفتاری کے لیے کوششیں کی جا رہی ہیں۔
