لاک ڈاؤن کیسے موثر ہو

[Doctor sb]

وفاقی حکومت نے لاک ڈاؤن میں دو ہفتے کا اضافہ کردیا- بڑھتے کیسز اور غیریقینیت کا تقاضا بھی یہی تھا کہ جن خدمات وتجارت کے شعبے ناگزیر نہیں انہیں فی الحال بند رکھا جاۓ

مگر کیا اگلے دو ہفتے وباء سے نمٹنے میں حتمی ثابت ہوں گے؟ چونکہ رمضان کی بھی آمد آمد ہے، اشیاۓ خوردونوش کی طلب کے باعث بازاروں میں رش اور عبادات کے لیے مساجد میں رونقیں لامحالہ بڑھیں گی- تو ایسے میں حکومت کو کیا کرنا چاہیے کہ ان دوہفتوں کے دورانیہ کو موثر کیا جاسکے

عمومی طبی اصولوں اور وباء سے کامیاب نبردآزماء ممالک کے تجربات گواہ ہیں اگر دو بنیادی احتیاطی تدابیر اختیار کی جائیں تو نتائج توقعات سے بڑھ کر حاصل ہوسکتے ہیں

اول- ماسک پہننا قانونی قرار دیا جاۓ- کوئی شخص بھی ماسک کے بغیر گھر سے باہر نہ نکلے

دوم- گھر سے فقط ایک شخص خریداری کے لیے نکلے- بہتر ہوگا کہ مرد نکلے تاکہ غیرضروری وقت بازاروں میں گھومتے نہ گزرے


ضمنی شرط یہ بھی کہ جہاں خریداری کے مراکز ہوں وہاں مناسب فاصلہ رکھا جاۓ- حکومت نے مسجد ومکتب تو تقریباً بند کردئیے مگر بازاروں، منڈیوں اور شاہراؤں پر ہنوز " فزیکل ڈسٹنسنگ" کی پابندی ملحوظ خاطر نہیں رکھی جا رہی- حکومت کچھ اس جانب بھی توجہ دے​