سابق صدر آصف علی زرداری کی ہمشیرہ فریال تالپور نے دعویٰ کیا ہے کہ میں نے ہمیشہ لوگوں کی مدد کی اور غریبوں کی مدد کرنے کے لیے اپنی تنخواہ وقف کر دیتی ہوں۔
فریال تالپور نے ایک پرانا واقعہ سناتے ہوئے کہا کہ مجھے بتانا نہیں چاہیے مگر میں نے ہمیشہ لوگوں کی مدد کی، اپنی تنخواہ میڈیکل اسٹور پر دے دیتی تھی تاکہ غریب اور مستحق شہریوں کو مفت ادویات مل سکیں۔
انہوں نے مزید کہا کہ ہم ہمیشہ لوگوں کی مدد کی ہے، ہم سچے تھے، کبھی غلط بات نہیں کی اور کبھی کرپشن نہیں کی۔
فریال تالپور کے اس بیان پر سوشل میڈیا پر دلچسپ تبصرے ہوئے۔
سینئر صحافی ہارون رشید نے اس پر طنز کرتے ہوئے کہا کہ فریال تالپور کہتی ہیں کہ " ہم سچے تھے' ہم نے کبھی کرپشن نہیں کی" اور مریم نواز کہتی ہیں کہ " لندن تو کیا پاکستان میں بھی میری کوئی جائیداد نہیں" ۔مریم نواز ایک زرداری صاحب کی ہمشیرہ۔ ایک میاں نواز شریف کی صاحبزادی۔ کیسی اچھی تربیت' کتنے اجلے لوگ۔
وفاقی وزیر برائے آبی وسائل علی زیدی نے ویڈیو شئیر کرتے ہوئے کہا کہ مجھے ان کی معصومیت پر نہیں سندھ کی قسمت پر رونا آگیا۔
عملقہ حیدر کا کہنا تھا کہ یہ ہوئی نہ بات عوام کا درد رکھنے والی بلاول کی پھپھو
طاہرہ نے تبصرہ کیا کہ فریال تالپور کا بیاں چل رھا ھے واقعی سب کی بات کتنی سچی ھے اتنا نیک خاندان اور نیک خاتون ۔ میری تو آنکھوں میں آنسو آ گئے۔ میں آگے ٹب رکھ لیا کہ آنسووں سے بھر جائے گا
ایک سوشل میڈیا صارف نے طنز کیا کہ ایسے خداترس لوگوں کی وجہ سے زلزلے نہیں آتے ورنہ ہم تباہ ہو چکے ہوتے۔
غنی بونیری کا کہنا تھا کہ فریال تالپور باتیں مدد ٹریسا والی کررہی ہیں مگر عمل ان کے گاڈ فادد جیسے ہیں۔
ایک اور سوشل میڈیا صارف نے تبصرہ کیا کہ عمران خان نے ہر کرپٹ کو ایماندار کہلوانے کا اعتماد دے دیا ہے ورنہ پیپلزپارٹی نے کبھی بھی ایماندار ہونے کا کلیم نہیں کیا، کپتان کے اعتماد کو دیکھ کر سب کی ہمت بڑھ گئی ہے۔
ڈاکٹر فاطمہ نے فریال تالپور کی پرانی ویڈیو شئیر کرتے ہوئے تبصرہ کیا کہ یہ یے فریال تالپور کا دوسرا روپ. یہ لاڑکانہ کی الیکشن کمپین کے دوران عوام کو دھمکیاں دے رہی تھی کہ تیر پر ہی نشان لگانا ہے. رعونت اور تکبر چیک کریں اسکا!!
ایک سوشل میڈیا صارف نے اسے قیامت کی نشانیوں میں سے ایک نشانی قرار دیتے ہوئے لکھا کہ قیامت کی نشانیوں میں سے ایک نشانی فریال تالپور کے درد دل، جدوجہد، ایمانداری سے لبریز داستانِ حیات۔۔۔ خود ان کی زبانی
