desan
President (40k+ posts)
ملک بھر میں آج دوسرے روز بھی عید الاضحیٰ مذہبی جوش و جذبے سے منائی جا رہی ہے۔نماز عید کی ادائیگی کے بعد شہری سنت ابراہیمی علیہ السلام کی پیروی کرتے ہوئے اللہ کی رضا کے لیے مختلف جانوروں کی قربانی کررہے ہیں۔ قربانی کیلئے بچوں، بڑوں سب میں جوش وخروش ہے لیکن اس موقع پر غریدہ فاروقی کی طرف سے ایک نامناسب ٹویٹ دیکھنے کو ملا جس پر سوشل میڈیا صارفین نے غم وغصے کا اظہار کیا اور غریدہ فاروقی کو کھری کھری سنادیں۔
غریدہ فاروقی نے اپنے ٹوئٹر پیغام میں لکھا کہ اگر ہو سکے تو کسی جانور کی زندگی بچالیں۔اپنی زندگی میں اس واقعہ (سنت ابراہیمی)اور خدان کے پیغام کے پیچھے فلسفہ کو اپنا لیں۔
غریدہ فاروقی نے مزید لکھا کہ یہ دن گوشت کھانے کیلئے مختص نہیں ہے۔ جانوروں سے محبت کریں، انہیں زندہ رہنے دیں۔
غریدہ فاروقی اپنے پرانے ٹویٹس میں یہ بتاتی رہی ہیں کہ انہیں نہاری بہت پسند ہے لیکن سوال یہ اٹھتا ہے کہ نہاری بھی کسی جانور کو ذبح کرنے کے بعد اسکے گوشت سے بنائی جاتی ہے۔ کیا نہاری کوئی سبزی ہے کسی درخت پر اگتی ہے جسے اتار کر نہاری بنالی جاتی ہے؟
اگر غریدہ فاروقی کو نہاری پسند ہے تو پھر انہیں جانور ذبح کرنے پر اعتراض کیوں ہے؟ کیا غریدہ فاروقی کو قربانی پر اعتراض ہے جو سنت ابراہیمی ہے اور اللہ کا حکم ہے۔
یہ بھی سوال اٹھتا ہے کہ غریدہ فاروقی جو مہنگے لیدر پرس اور جیکٹس پہنتی ہیں وہ بھی تو کسی جانور کی کھال سے بنتے ہیں۔ سوشل میڈیا صارفین کہتے ہیں کہ اگر غریدہ فاروقی کو جانوروں کی قربانی پر اعتراض ہے اور وہ جانوروں سے محبت کرتی ہیں تو نہاری مت کھائیں، کے ایف سی ، میکڈونلڈ کے برگر مت کھائیں، باربی کیو مت کھائیں، ان کی کھالوں سے بنے مہنگے پرس مت خریدیں۔ وہ صرف سبزیاں اور دالیں کھاکر گزارا کریں۔
- Featured Thumbs
- https://i.imgur.com/DnQEQq0.jpg
Last edited by a moderator:
