عوامی مسلم لیگ کے سربراہ اور سابق وزیر داخلہ شیخ رشید نے واضح کردیا کہ عمران خان کو ختم کرنے سے پی ٹی آئی ختم نہیں ہوگی بلکہ مزید مضبوط ہوجائے گی، ٹوئٹر پیغام میں شیخ رشید نے کہا تیرہ پارٹیوں کی یہی خواہش ہے کہ عمران خان نااہل ہو اور جیل میں ہو، اداروں کوبخوبی علم ہے حکومت کی اہلیت اورصلاحیت صفر ہے۔
شیخ رشید نے کہا اس حکومت کا کوئی والی وارث نہیں، ان کا احترام ہے نہ کوئی مقام، نیب کوگالیاں دینے والے نیب کے شادیانے بجارہے ہیں،عدالتوں کے احترام کی بجائے گرفتاریاں کی جارہی ہیں،گزشتہ روز کی تقاریر رضیہ بٹ کے ناول کے سوا کچھ نہیں تھیں،اداروں کا احترام ہے،عمارتوں اور املاک کو نقصان پہنچانا مناسب نہیں ہے۔
شیخ رشید نے کہا جلاؤ گھیراؤ اس لیے ہواکہ لوگ خود گھروں سے نکل آئے،قیادت کو اٹھا ئیں گے تو پھر لوگوں کو لیڈ کون کرے گا؟اگر ذوالفقار بھٹو مفتی محمود سے بات کرسکتے ہیں تو یہ کیوں نہیں کرسکتے، حکمرانوں نے جتنی نیب ترامیم کی ہیں ان کا فائدہ عمران خان کو ہو گا۔
اس سے پہلے شیخ رشید نے اپنے بیان میں کہا تھا عمران خان سیاست کا ہیرو ہوگا یہ زیرو ہونگے وہ سیاست میں مقدر کا سکندر بنے گا،170 ارب غریب پر بوجھ ڈال دیا آئی ایم ایف سے کچھ نہیں ملا، ملک ڈیفالٹ ہونے جارہا ہے، عمران خان سیاست کا ہیرو ہوگا یہ زیرو ہونگے وہ سیاست میں مقدر کا سکندر بنےگا، عوام 13 جماعتوں کو سیاسی طور پر دفن کردے گی۔
شیخ رشید نے کہا تھا حکومت اپنے اقتدار کو بچانے کیلئے سارے ملک کو سیاست کی بھٹی میں جھونک رہی ہے، سیاست سنگین اور گھمبیر ہو چکی ہے، آئی ایم ایف نہ ہی پڑوسی ملکوں کی مدد ہے، ملک جن مسائل سے دوچار ہے وہ پاکستان کی سیاست میں کچھ بھی نتیجہ دکھا سکتا ہے، سپریم کورٹ جیتے گی، الیکشن کروانا پڑیں گے۔
بلاول بھٹو نےبھارت جاکر جوکم عقلی ذہنی پستی کامظاہرہ کیاہےمقبوضہ کشمیر میں اسکےخلاف غم و غصے کی لہر دوڑ گئی ہےہم نے ہر صورت مقبوضہ کشمیر کی جدوجہدآزادی کی حمایت کرنی ہےملک جن مسائل سےدوچار ہے وہ پاکستان کی سیاست میں کچھ بھی نتیجہ دکھا سکتا ہےسپریم کورٹ جیتےگا الیکشن کروانےپڑیں گے۔
