پاکستان کے سینئیر اور معروف اینکر پرسن عمران ریاض خان کا یوٹیوب چینل مبینہ طور پر ہیک کرلیا گیا ہے۔
عمران ریاض پاکستان کے سب سے مشہور یوٹیوبر اور صحافی ہیں جنہوں نے اپنے ٹوئٹر پیغام میں لکھا کہ میرا یوٹیوب چینل ہیک کرلیا گیا ہے اور تمام ویڈیوز ڈیلیٹ کردی گئی ہیں۔
عمران ریاض کے یوٹیوب چینل کو کرپٹو کرنسی ایتھیریم کے پروموشنل پیج میں تبدیل کردیا گیا تھا۔
ایک اور ٹوئٹر پیغام میں اینکر عمران نے کہا کہ مریم کو بری کر دیا اور میرا یو ٹیوب چینل ہیک ہوگیا۔ میرے لیے 2 بڑی خبریں
اطلاعاتی ٹوئٹ کے چند منٹ بعد ہی ان کا یوٹیوب چینل بحال کردیا گیا، تاہم اس پر فی الحال صرف چار ویڈیوز موجود ہیں اور مزید ویڈیوز کی ریکوری کا عمل جاری ہے۔
یاد رہے کہ عمران ریاض کے یوٹیوب چینل پر 3.45 ملین سبسکرائیبرز ہیں اور ان کی سیاسی ویڈیوز پاکستان میں سب سے زیادہ دیکھی ہیں۔