
سابق وزیراعظم اور عوام پاکستان پارٹی کے رہنما شاہد خاقان عباسی نے الحمرا لاہور میں منعقدہ دو روزہ افکاری تازہ میلے کے آخری روز خطاب کرتے ہوئے کہا کہ ملک میں سیاسی اور معاشی استحکام تب ہی ممکن ہے جب الیکشنز شفاف ہوں اور آئین پاکستان پر مکمل عمل کیا جائے۔ انہوں نے زور دیا کہ الیکشن چوری کے ذریعے ملک میں استحکام نہیں آ سکتا۔
شاہد خاقان عباسی نے موجودہ سیاسی حالات پر تنقید کرتے ہوئے کہا کہ ملک کے سیاست دان خود کو بادشاہ سمجھتے ہیں، جبکہ بانی پی ٹی آئی کی شہرت دیگر سیاسی جماعتوں کی ناکامی کی وجہ سے ہے۔
انہوں نے کہا کہ عمران خان نے ووٹ کو عزت دو کی بات کی، آج وہ آئین کی بات کرتا ہے اور لوگ ان کے ساتھ ہیں جب کہ بانی پی ٹی آئی جیل کے اندر ہوں یا باہر، یہ حکومت چلنے والی نہیں کیوں کہ حکومت میں کوئی مینڈیٹ نہیں اس لیے وہ نہیں چل سکتی۔
انہوں نے کہا کہ ملک کو درپیش مسائل کو حل کرنے کے لیے تمام سیاسی قیادت کو اپنی ذاتیات چھوڑ کر مسائل پر توجہ دینی ہوگی۔ انہوں نے کہا کہ موجودہ حالات میں چاہے عمران خان، نواز شریف یا زرداری کو سب کچھ دے دیا جائے، وہ اکیلے مسائل کو حل نہیں کر سکتے۔ یہ ملک کی موجودہ حقیقت ہے کہ تمام مسائل کا حل صرف مشترکہ کوششوں میں ہے۔
تقریب کے دوران 26ویں آئینی ترمیم کے اثرات پر گفتگو کرتے ہوئے ماہرین قانون اور تحریک انصاف کے جنرل سیکریٹری سلمان اکرم راجا نے کہا کہ اس ترمیم نے شہری آزادیوں کو محدود کر دیا ہے۔ انہوں نے کہا کہ معاشرے میں بڑھتے ہوئے ظلم کے خلاف عوام کو کھڑا ہونا پڑے گا تاکہ شہری آزادیوں کو بحال کیا جا سکے۔
- Featured Thumbs
- https://i.dawn.com/primary/2017/09/59c36acc0652c.jpg