عدالت نے پاکستان تحریک انصاف کے ایم پی اے شہزاد اعوان کی گرفتاری کا حکم دے دیا۔
تفصیلات کے مطابق جوڈیشل مجسٹریٹ غربی کی عدالت نے شہری کو زبردستی گھر میں گھس کر تشدد کرنے اور قتل کی دھمکی دینے کے کیس میں پی ٹی آئی کے ایم پی اے شہزاد اعوان کی گرفتاری کا حکم دے دیا۔
عدالت نے تفتیشی افسر سے ملزمان کی گرفتاری اور پیشرفت رپورٹ بھی طلب کرلی ہے۔ عدالت نے شہزاد اعوان کے خلاف مقدمے میں بی کلاس رپورٹ مسترد کرتے ہوئے ملزم کا قومی شناختی کارڈ بلاک کرنے کا بھی حکم دیا۔
عدالت کی جانب سے بذریعہ خط اسپیکر سندھ اسمبلی کو بھی ملک شہزاد اعوان کے وارنٹ گرفتاری کے بارے میں آگاہ کردیا ہے۔
عدالت نے خط میں ایم پی اے شہزاد اعوان کی گرفتاری کے لیے پولیس سے تعاون کی بھی درخواست کی ہے۔
- Featured Thumbs
- https://www.siasat.pk/data/files/s3/13awqn.jpg
