
پنجاب کے ضمنی انتخابات میں پری پول دھاندلی کی کوشش پر پاکستان تحریک انصاف نے دستاویزی ثبوت حاصل کرنے کا دعویٰ کر دیا۔
ماہر قانون اور رہنما تحریک نصاف بابراعوان نے ٹوئٹر پر جاری بیان میں پری پول دھاندلی سے متعلق ہونے والی کوششوں اور ثبوتوں سے متعلق آگاہ کیا۔ انہوں نے دعویٰ کیا کہ ضمنی الیکشن میں تاریخ کی بڑی پری پول دھاندلی کے ثبوت دیکھے پی ٹی آئی لیڈرشپ اور اسدعمر کے ساتھ دستاویزی ثبوت دیکھے ہیں۔
https://twitter.com/x/status/154433134048067174
بابراعوان نے کہا کہ ایک ایک بلاک کوڈ میں ہزاروں آؤٹ سائیڈر کے ووٹ ٹھونسے گئے الیکشن شیڈول کے بعد یہ کس کی ایماپر کیا گیا؟ پی ٹی آئی اسے چیلنج کر رہی ہے۔
دوسری جانب وزیراعلیٰ پنجاب کی جانب سے ضمنی انتخاب سے قبل پیکیج کا اعلان کرنے کے حوالے سے تحریک انصاف نے رجسٹرار سپریم کورٹ کو خط لکھ دیا ہے۔
مذکورہ خط پی ٹی آئی کے مرکزی نائب صدر فواد چوہدری کی جانب سے تحریر کیا گیا ہے، خط کے متن میں کہا گیا ہے کہ یکم جولائی2022کوعدالت نے پنجاب کو بحران سے بچانے کا فارمولہ وضع کیا۔
- Featured Thumbs
- https://www.siasat.pk/data/files/s3/babr-awaan-dhandli-aa.jpg