ضرورت مند طلبا کی اسکالر شپ فنڈ میں کروڑوں کی کرپشن کا انکشاف

corru.jpg

پاکستان میں ضرورت مند ہونہار طلبا کی اسکالر شپ کے لئے مختص فنڈ میں بڑے پیمانے پر کرپشن کا معاملہ منظر عام پر آیا ہے۔ تفصیلات کے مطابق، پاکستان ایجوکیشن انڈومنٹ فنڈ میں 2 کروڑ 27 لاکھ روپے کی کرپشن پکڑی گئی ہے۔ اس معاملے کی تحقیقات میں وفاقی تحقیقاتی ادارے (ایف آئی اے) نے سابق ملازمین سمیت 6 افراد کے خلاف مقدمہ درج کر کے 4 ملزمان کو گرفتار کر لیا ہے۔

ایف آئی اے کے ترجمان کے مطابق گرفتار ہونے والے ملزمان میں کمپنی کے سابق چیف فنانشل آفیسر، چیف انٹرنل آڈیٹر، سابقہ ایڈمن منیجر اور کمپنی سیکرٹری شامل ہیں۔ ان افراد پر الزام ہے کہ انہوں نے گھوسٹ ملازمین کے نام پر سفر اور دیگر اخراجات وصول کیے ہیں۔

ترجمان نے مزید بتایا کہ مقدمے میں نیشنل بینک کے اسلام آباد ہوٹل برانچ کے 2 افسران کو بھی نامزد کیا گیا ہے، جن کی ملی بھگت سے ملزمان نے 318 جعلی چیکس کیش کرائے ہیں۔
 

Back
Top