حکومت نے عوامی مسلم لیگ کے سربراہ شیخ رشید احمد کی رہائش گاہ 'لال حویلی' کے خلاف آپریشن کی تیاریاں مکمل کرلی ہیں۔
تفصیلات کے مطابق راولپنڈی میں واقع شیخ رشید کی رہائش گاہ 'لال حویلی' کے خلاف کل صبح متروکہ وقف املاک کی جانب سے آپریشن شروع کیا جائے گا، اس حوالے سے تمام متعلقہ اداروں و محکموں کو تیاریاں مکمل کرنے کی ہدایات جاری کردی گئی ہیں۔
سابق وزیراعظم عمران خان نے اپنے اتحادی شیخ رشید کی رہائش گاہ کے خلاف آپریشن کے اعلان پر گہری تشویش کا اظہار کرتے ہوئے اسے حکومت کی انتقامی کارروائی قرار دیا ہے۔
عمران خان نے پارٹی کی کور کمیٹی میٹنگ میں اس حوالے سے بات کرتے ہوئے اسد عمر کو اس معاملے پر آواز اٹھانے کی ہدایات بھی جاری کردی ہیں۔
سابق وفاقی وزیرا ور پی ٹی آئی کے جنرل سیکرٹری اسد عمر نے اس حوالے سے ٹویٹر پر ایک بیان جاری کیا اور کہا کہ شیخ رشید پر دباؤ ڈالنے کے لئے حکومتی مشینری سے ان کے گھر پر حملہ کر کے توڑ پھوڑ کرنے کا منصوبہ بنایا جا رہا ہے۔
اسد عمر نے مزید کہا کہ تحریک انصاف اس غیر قانونی دہشت گردی کی بھرپور مذمت کرتی ہے اور شیخ رشید کے ساتھ کھڑی ہے
