گزشتہ روز لاہور کے مال روڈ پر دھماکے میں شہید ہونے والے کیپٹن ریٹائرڈ احمد مبین کوئٹہ کے رہائشی تھے۔ ریٹائرمنٹ کے بعد محکمہ پولیس میں پہلی پوسٹنگ بطور اے ایس پی ہوئی۔احمد مبین ایڈیشنل ڈائریکٹر جنرل اوورسیز فاونڈیشن کے عہدے پر بھی تعینات رہے ۔ سابق چیف جسٹس افتخار محمد چوہدری کے منہ بولے بھانجے احمد مبین ان دنوں لاہور میں چیف ٹریفک آفیسر کے عہدے پر تعینات تھے ۔گزشتہ شام چیئرنگ کراس پر مظاہرین سے مذاکرات کر رہے تھے کہ اچانک ہونے والے دھماکے نے قوم سے یہ جانباز سپوت چھین لیا۔احمد مبین فرض شناس افسر ہونے کے علاوہ زندہ دلی میں بھی اپنی مثال آپ تھے۔ ملکی مسائل پر گہری نظر رکھنے کے ساتھ ساتھ حس مزاح بھی کمال کی تھی۔ سوشل میڈیا پر خاصے ایکٹو رہنے والے احمد مبین کی چند پوسٹس آپ بھی دیکھیں۔
https://www.samaa.tv/urdu/social-buzz/2017/02/684866/
Last edited by a moderator:
