پولیس نے گرفتار شہریار آفریدی کو بھائی کے جنازے میں شرکت کیلئے بھی رہا نہیں کیا جبکہ جنازے کے بعد ان کے کزن اور بھتیجے کو بھی گرفتار کرلیا ہے۔
تفصیلات کے مطابق پاکستان تحریک انصاف کے آفیشل ٹویٹر ہینڈل سے جاری کردہ بیان میں کہا گیا ہے کہ ایک طرف شہریار آفریدی کو اپنے بڑے بھائی کی وفات پر رہائی نہیں ملی جس سے انہیں جنازے میں شرکت بھی نصیب نہیں ہوئی۔
پی ٹی آئی کے مطابق دوسری طرف کوہاٹ پولیس نےانتہائی سنگدلی کا مظاہرہ کرتے ہوئے جنازے کے بعد شہریار آفریدی کے کزن امان آفریدی کو گرفتار کرلیا جبکہ امان آفریدی کے پیچھے تھانے جانے والے شفیع جان اور ایک دوسرے ورکر کو بھی گرفتار کرلیا گیا ہے۔
شمس خٹک نامی پی ٹی آئی کارکن نے حوالات میں قید امان آفریدی کی تصاویر شیئر کرتے ہوئے کہا کہ اس حکومت نے شہریار آفریدی کے بھائی کی وفات کو فاشسٹ حکومت نے ورکرز کیلئے وبال جان بنادیا، گرفتاری ورکرز کے پیچھے جانے والےکارکنان اور انصاف لائرز فورم کے رکن کو بھی گرفتار کرلیا گیا ہے۔
اظہر خان آصف زئی نے کہا کہ شہریار آفریدی کو جنازے میں شرکت کی اجازت نہیں دی گئی ، ایسا تو کبھی بدترین مارشل لاء کے دور میں بھی نہیں ہوا، پی ڈی ایم والو آپ کے اس ظلم کو آنے والی نسل یادرکھے گی۔
کوہاٹ پولیس نے شہریار آفریدی کے بھائی کے جنازے سے واپسی پر پی ٹی آئی کے سرکردہ کارکن شفیع جان کو بھی گرفتار کرلیا گیا۔
- Featured Thumbs
- https://www.siasat.pk/data/files/s3/3shehheafrdidijananza.jpg
