وزیر داخلہ پنجاب ہاشم ڈوگر نے انکشاف کیا ہےکہ شہباز گل کے جسم پر تشدد کے غیر معمولی نشانات پائےگئے ہیں۔
خبررساں ادارے کی رپورٹ کے مطابق یہ بیان صوبائی وزیر داخلہ ہاشم ڈوگر نے اڈیالہ جیل کے اچانک دورے کے بعد میڈیا سے گفتگو کرتے ہوئے دیا اور کہا کہ جیل ریکارڈمیں شہباز شریف کے طبی معائنے کے دوران ان کے جسم پر زخموں کے نشانات سے متعلق اہم انکشافات سامنے آئےہیں۔
انہوں نے کہا کہ شہباز شریف کو جب اسلام آبادپولیس کی کسٹڈی سے اڈیالہ جیل منتقل کیا گیا تو جیل قواعد وضوابط کے تحت عملے نے ان کا طبی معائنہ کیا ، معائنے کے دوران شہباز شریف کے جسم پر زخموں کے غیر معمولی نشانات پائےگئے ہیں۔
صوبائی وزیرداخلہ نے کہا کہ میڈیکل عملے نے ان زخموں اور نشانات سے متعلق رجسٹرپراندراج کیا ،قواعد وضوابط کے مطابق کسی ملزم کے ساتھ ایسا واقعہ پیش آئے توجیل سپرٹنڈنٹ عدالت اور پولیس کو بتانے کاپابند ہوتا ہےتاہم اس کیس میں جیل سپرٹنڈنٹ نے کسی کو آگاہ نہیں کیا، سنگین غفلت پر جیل سپرٹنڈنٹ اور دیگر حکام کے خلاف کارروائی کی جائے گی۔
