چین سے تعلق رکھنے والے صحافی شین شیوی نے سوشل میڈیا پر شہبازشریف کے منشور سے متعلق ایک پوسٹ کی تو لوگوں نے انہیں کرائم منسٹر کہنا شروع کر دیا جس پر شین شیوی نے کہا کہ آخر لوگ شہبازشریف کو کرائم منسٹر کیوں کہہ رہے ہیں؟
تفصیلات کے مطابق چینی صحافی نے شہبازشریف سے متعلق سماجی رابطے کی ویب سائٹ پر ایک ٹوئٹ کی جس میں کہا کہ انہوں نے اس عزم کا اعادہ کیا ہے کہ وہ وزیراعظم بن کر سی پیک پر کام کو آگے بڑھائیں گے۔ اس ٹوئٹ کے بعد سوشل میڈیا صارفین نے شہبازشریف کو کرائم منسٹر کہنا شروع کر دیا۔
بڑی تعداد میں لوگوں کی جانب سے کرائم منسٹر کہے جانے پر چینی صحافی پریشان ہو گئے اور ایک ٹوئٹ کیا جس میں پوچھا کہ لوگ انہیں کرائم منسٹر کیوں کہہ رہے ہیں؟ کوئی اس پر مزید وضاحت دے سکتا ہے؟
اس پر جب لوگوں نے ان کی کرپشن کی داستانیں سنانا شروع کیں تو شین شیوی نے دوبارہ ٹوئٹ کر کے کہا کہ شکریہ مجھے میرے پاکستانی دوستوں نے بڑی وضاحت کے ساتھ بتا دیا ہے۔ اب میں وہاں کی صورتحال کو پہلے سے زیادہ بہتر انداز میں سمجھ چکا ہوں۔