وزیراعظم شہبازشریف کی ایک ویڈیو سوشل میڈیا پر وائرل ہورہی ہے جس میں وہ ہیلی کاپٹر پر سیلاب سے متاثرہ علاقوں کا فضائی معائنہ کررہے ہیں۔
اس ویڈیو میں دیکھا جاسکتا ہے کہ وزیراعظم شہبازشریف ہیلی کاپٹر سے سیلاب زدگان کیلئے امدادی سامان کے تھیلے پھینک رہے ہیں اور لوگ پانی میں تھیلے پکڑنے کیلئے بھاگ رہے ہیں۔
اس ویڈیو کے وائرل ہونے پر اینکر کامران خان خاموش نہ رہ سکے اور شہبازشریف پر طنز کردیا۔
اپنے ویڈیو پیغام میں ان کا کہنا تھا کہ شہباز شریف بلاول بھٹو دل سیلاب زدگان محبت سے لبریز ہیں اندرون سندھ سیلاب زدگان تباہی نظارہ کے لئے کل ہیلی کاپٹر پر سوار ہوئے تو ہیلی کاپٹر میں چار ٹھیلے راشن رکھ لئیے فوٹو گرافربٹھا لیا شہباز بلاول صاحب نے 4 تھیلے تباہ برباد عوام پر لڑھکائے تو قومی تشہیر لے لئے وڈیو جاری فرمائی
دیگر سوشل میڈیا صارفین نے بھی اس پر ردعمل دیا اور کہا کہ شہبازشریف اگر مدد کرنا چاہتے ہیں تو کریں لیکن کسی کی عزت نفس کو مجروح نہ کریں۔
قاضی جلال کا کہنا تھا کہ جو کام وزیر اعظم شہباز شریف سندھ اور بلوچستان میں ہیلی کاپٹر سے کر رہیں ہیں۔ خیبر پختونخواہ میں وہ کام ایک اسسٹنٹ کمشنر اور فوجی جوان کر رہا ہے
دوسری جانب ن لیگی سوشل میڈیا صارفین کامران خان کو برا بھلا کہتے رہے اور شہبازشریف کا دفاع کرتے رہے کہ زمینی راستہ کٹ چکا تھا اسلئے شہبازشریف کو فضائی راستے سے سیلاب زدگان کی امداد کرنا پڑی۔
شاہ احمد نورانی کے صاحبزادے اویس نورانی نے کامران خان پر تنقید کرتے ہوئے لکھا کہ کامران خان صاحب آپ بے شرم ہی نہیں بے حس بھی ہیں۔
