بھارتی ڈیفنس ریسرچ اینڈ ڈویلپمنٹ لیبارٹری(ڈی آر ڈی ایل) سے منسلک ایک انجینئر کو پاکستانی جاسوس کو مبینہ طور پر خفیہ معلومات فراہم کرنے کے الزام میں گرفتار کرلیا گیا ہے۔
خبررساں ادارے کی رپورٹ کے مطابق 29 سالہ انجینئرملیکا رجن ریڈی نے فیس بک پر مارچ 2020 میں ایک خاتون کی فرینڈ ریکوسٹ قبول کی تھی، لڑکی نے اپنا نام نتاشاراؤ بتایا اور کہا کہ وہ برطانیہ میں قائم دفاعی جریدے کی ملازم ہے۔
بھارتی انجینئر اور فیس بک پر خاتون کی دوستی ہوگئی اور جنوری 2020 سےدسمبر 2021 تک کے عرصے کے تعلق سے یہ دوستی محبت کے روپ میں بدل گئی،دونوں کے درمیان فیس بک میسنجر اور واٹس ایپ پر بات ہوتی تھی خاتون نے بھارتی انجینئر سے شادی کا وعدہ کیا۔
رپورٹس کے مطابق دونوں کے درمیان نا ہی کبھی ویڈیو کال ہوئی اورنا ہی تصویروں کا تبادلہ، خاتون نے انجینئر کے اصرار پر اسے اپنی تصاویر دینے کا وعدہ کررکھا تھا اور انجینئر سے جوہری صلاحیت سے بھرپور بین البراعظمی بیلسٹک میزائل اور آبدوز سے مار کرنے والے میزائلوں سے متعلق معلومات مانگی ہوئی تھیں۔
بھارتی انجینئر نے شادی کے وعدے پر خاتون کو یہ ساری معلومات فراہم کردیں۔
بھارتی ریاست تلنگانہ کے دارالحکومت حیدرآباد کی پولیس نےانٹیلی جنس ایجنسیوں کی خفیہ اطلاع پر کارروائی کرتے ہوئے ملیکارجن ریڈی کو گرفتار کرلیا، ان پر ہندوستان کے میزائل پروگرام کے بارے میں حساس معلومات اپنی محبوبہ کو لیک کرنے کا الزام ہے جو مبینہ طور پر ایک پاکستانی جاسوس تھا، جس نے نتاشا راؤ کا روپ دھار لیا تھا۔
پولیس ذرائع کے مطابق ملزم نے دوران تفتیش اپنے جرم کا اعتراف بھی کرلیا ہے، اپنی ملازمت کی نوعیت کی وجہ سے، ہندوستانی انجینئر کو دفاعی مینوفیکچرنگ یونٹس تک رسائی حاصل تھی
پولیس نے انجینئر سے دو سیل فون برآمد کیے ہیں جن سےنتاشا کے ساتھ شیئر کی گئی میزائل ڈیولپمنٹ سے متعلق تصاویر اور تفصیلی مواد بھی برآمد کرلیا گیا ہے۔
- Featured Thumbs
- https://www.siasat.pk/data/files/s3/li1i1h1121.jpg
