سابق چیئرمین پاکستان کرکٹ بورڈ رمیز راجا نے پی سی بی مینجمنٹ کمیٹی کے سربراہ نجم سیٹھی پر تنقید کی جبکہ نجم سیٹھی نے رمیز راجا کو کمنٹری کیلئے ویلکم کہہ دیاہے۔
سابق چیئرمین پی سی بی رمیز راجا نے موجود بورڈ مینجمنٹ نے کہا ہے کہ جن لوگوں کا کرکٹ سے کوئی لینادینا نہیں ہے وہ لوگ بورڈ میں آگئے ہیں، یہ کھیل صرف و صرف کرکٹرز کیلئے ہے، بورڈ میں سیاست نہیں ہونی چاہیے، حکومت نے نجم سیٹھی کو لانے کیلئے پی سی بی کے پورے آئین میں تبدیلی کردی، اب کوچز کو تبدیل کرنے کی باتیں ہورہی ہیں ، ایسی باتوں سے دکھ ہوتا ہے۔
رمیز راجہ نے مزید کہا کہ نجم سیٹھی گروپ نے پی سی بی پر ایسا حملہ کیا کہ مجھے میرا سامان بھی نہیں لینے دیا۔ صبح 9 بجے نجم سیٹھی گروپ کے 17 بندے ایسے آگئے جیسے ایف آئی اے نے چھاپا مار دیا ہو۔ میں بورڈ میں سیاسی مداخلت کا معاملہ عالمی سطح پر اٹھاؤں گا۔ انہوں نے کہاکہ مجھے تین سال کیلئے مقرر کا گیا تھا، 15 ماہ بعد ہٹا دیا گیا۔
دوسری جانب پاکستان کرکٹ بورڈ کی مینجمنٹ کمیٹی کےچیئرمین نجم سیٹھی نے اپنے ایک بیان میں کہا ہے کہ سابق چیئرمین پی سی بی رمیز راجا اگر کمنٹری پینل کا حصہ بننا چاہتے ہیں تو انہیں روکا نہیں جائے گا، میں سیلکٹرز لگادوں گا پھر ان کی مرضی وہ کیا کریں گے، میں نے ایک عبوری سلیکشن کمیٹی بنادی ہے اب اس کی کارکردگی دیکھیں گے۔
- Featured Thumbs
- https://www.siasat.pk/data/files/s3/7rameezrajaseehjigrop.jpg
