پنجاب میں ضمنی انتخابات کے بعد وزیراعلی کے انتخاب کیلئے ووٹوں کی مبینہ خرید وفروخت کے معاملے پر سابق وزیراعظم عمران خان نے عدلیہ اور امپورٹڈ حکومت کے سرپرستوں سے سوال پوچھ لیا ہے۔
مائیکروبلاگنگ ویب سائٹ ٹویٹر پر اپنے بیان میں عمران خان نے کہا کہجوکچھ اسلام آباد میں ہوا اسکا نظارہ آج لاہورمیں بھی نظر آرہا ہے، جہاں اراکین پنجاب اسمبلی کو خریدنے کیلئے 50کروڑ روپےتک کی پیشکش کی جا رہی ہے۔
سابق وزیراعظم نے کہا کہ اس سب کےپیچھےمرکزی کردار زرداری ہےجو اپنی کرپشن پراین آر او لیتاہےاور چوری کےاس پیسےسےلوگوں کو خریدتاہے۔اسےجیل میں پھینکاجاناچاہیے۔
عمران خان نے مزید کہا کہیہ ہماری جمہوریت پر ہی نہیں بلکہ ہمارےسماج کی اخلاقی بنیادوں پربھی سنگین حملہ ہے۔عدالتِ عظمیٰ نےکارروائی کی ہوتی اور ان لوٹوں کو تاحیات نااہل کیا ہوتا تو اس سلسلےکی روک تھام کاکچھ بندوبست ممکن ہوتا۔کیا امریکی سازش سے آنے والی امپورٹڈحکومت کے سرپرستوں کو قوم کےاس سنگین نقصان کاکچھ بھی احساس نہیں؟
چیئرمین پاکستان تحریک انصاف نےاپنے بیان میں مزید کہا کہ سندھ سے چوری شدہ رقم کے ساتھ وفاقی حکومت گرانے اوراین آر او 2 لینے کے بعد، مصدقہ مجرم آصف زرداری شریف مافیا کے ساتھ مل کر اب ایم پی اے خریدنے کی کوشش کر کے پنجاب کے عوام کا مینڈیٹ چوری کرنا چاہتے ہیں۔
عمران خان نےعدلیہ سے سوال پوچھتے ہوئے کہا کہ عزت مآب سپریم کورٹ سے پوچھنا چاہتے ہیں کہ کیا وہ اس نقصان سے واقف نہیں ہیں؟کیا ہماری جمہوریت، آئین اور ملکی اخلاقیات کی تباہی سو موٹو ایکشن کے لیے موزوں کیس نہیں؟
سابق وزیراعظم نے سوال کیا کہ کیا "نیوٹرل" کو یہ احساس نہیں کہ کس طرح امریکی حکومت کی تبدیلی کی سازش کے نتیجے میں آنے والی اس امپورٹڈ حکومت کے ذریعے ہمارا پیارا ملک ہر محاذ پر تباہ ہو رہا ہے؟
- Featured Thumbs
- https://www.siasat.pk/data/files/s3/8khansctahiayatnaahl.jpg
