ahmedameen786
Politcal Worker (100+ posts)
سعید انور کا ایک تازہ بیان ملاحظہ ہو
یہ آج سے تقریبا" تین سال قبل کی بات ہے کہ اخبار کے اوراق پلٹتے ہوئے ایک خبر پر نظر پڑی خبر کیا تھی گویا بم کا ایک گولہ جو سیدھا سینے پر جالگا خبر کے مطابق جان بچانے والی دو نمبرجعلی ادویات کے استعمال سے اب تک ہزاروں مریض اپنی جانوں سے ہاتھ دھو بیٹھے ہیں پڑھ کر سخت صدمہ ہوا اس کا ذکر جنید بھائی سے کیا وہ اس خبر کو پڑھ کرمارے صدمے کے غش کھا گئے بعد کچھ ساعت انہیں ہوش آیااور کہنے لگے چلو سعید بھائی ان جعلی دوا فروشوں اور ان کے بنانے والوں کو تبلیغ کرتے ہیں خدا جھوٹ نا بلوائے رات کے قریبا" اڑاھائی بجے کا وقت ہو گا ایک جعلی ادویات بنانے والے گنہگارکا دروازہ کھٹکھٹایا وہ آنکھیں ملتا اول فول بکتا برآمد ہوا ہم نے کہا اے بندہ خدا کیوں جعلی ادویات بناتا ہے ؟ کیوں معصوم جانوں سے کھیلتا ہے؟ فورا" گڑگڑا کر پیروں پرگر گیا،توبہ کی کلمہ پڑہا اور دوبارہ مسلمان ہو گیا فورا" جعلی ادویات کا سارا سٹاک تلف کیااور آئندہ اس دو نمبری سے توبہ کی دو ہفتے کے درس کے لئے ہمارے ساتھ ہو لیا اس کے دیکھا،دیکھی تمام جعلی ادویات فروشوں اور انہیں بنانے والوں نے ہمارے تبلیغی مرکز کے سامنے اپنی ان ادویات کو نذر آتش کیا اور انہیں دوباہ نا بنانے کے عزم کا اظہار کرتے ہوئے قبلہ طارق جمیل کے ہاتھوں بیعت اور ملک شام کے تبلیغی دورہ کی سعادت حاصل کی اور آج ہماری تبلیغ کی وجہ سے صورتحال یہ ہے کہ ملک سے جعلی ادویات کا نام نشان تک مٹ چکا ہے
قبلہ طارق جمیل کی زبانی اک روز علم ہوا کہ اس ملک میں دودھ فروش عوام خصوصا" معصوم بچوں کی بنیادی غذا اور اللہ کے نور دودھ میں ڈیٹرجنٹ،بالصفا پوڈر،دیگر غلیظ زہر آلود اجزا کی ملاوٹ کرتے ہیں فورا" قبلہ گاہی اعلی حضرت طارق جمیل کی صاحب کی ہدایت پرمیں اور جنید بھائی ان دودھ فروشوں کو تبلیغ اور عذاب الہی سے ڈرانے کے لئے نکل کھڑے ہوئے
علی الصبح فجرو،فجری کاوقت تھا ہم گوالوں کے ڈیرے پر جا پہنچے کیا دیکھتے ہیں کہ گوالے دودھ میں انہیں جان لیوا اجزاء کی ملاوٹ کر رہے ہیں ہم نے انہیں پچکار کر ،نرمی اور پیار سے سمجھایا ارے نادانوں کیوں عذاب الہی کو دعوت دیتے ہو؟ کیوں اپنے لئے نار جہنم خریدتے ہو ہمارے اس وعظ کے نتیجہ میں تمام گوالے زار وقطار رونے لگے آنسوؤں اور ہچکیوں کے درمیان توبہ تلا کرتے ہوئے گوالوں نے اپنی گائیں اور بھینسوں کی رسیاں کھول کر انہیں ہمارے حوالے کیا میں اور جنید بھائی انہیں ہانکتے ہوئے تبلیغی مرکز لے آئے ان کے بھی دیکھا،دیکھی تمام گوالے اپنی،اپنی گائیں،بھینسیں چھوڑ،چھوڑ کر جاتے رہے آجکل ہمارے تمام تبلیغی رضاکاران کا دودھ دوہو،دوہو کرخلق خدا میں تازہ اور خالص دودھ فراہم کرتے ہیں
ابھی کرنے کو تو اور بھی بہت سے کام تھے جیسے ملک سے بدعنوانی،رشوت ستانی،اشیاء خورد ونوش میں ملاوٹ وغیرہ کے خلاف بھر پور تبلیغ مگراجل نے جنید بھائی کو مہلت نہ دی میں بھی جنید بھائی کے ساتھ ہی جانا چاہتا تھا مگر ابھی ایک اہم کام کی تکمیل باقی ہے کرکٹ میں سٹے بازی اورمیچ فکسنگ کی بنیاد میرے ہاتھوں رکھی گئی تھی اور اسے ختم بھی میں ہی کروں گا لیکن کیا کروں؟ سٹے بازی،جوئے اور میچ فکسنگ کا میرے ہاتھوں لگایا ہوا پودا اب تن آور درخت بن چکا ہے ایک شاخ کاٹتا ہوں تین اور نکل آتی ہیں
- Featured Thumbs
- http://p.imgci.com/db/PICTURES/DB/052004/052320.player.jpg
Last edited:
