قومی کرکٹ ٹیم کے کھلاڑیوں کے درمیان شاداب خان کی شادی سےمتعلق سوشل میڈیا پر دلچسپ نوک جھوک دیکھنے کو ملی ہے۔
تفصیلات کے مطابق شاداب خان کی شادی کا ذکر حسن علی نے چھیڑا جس پر شاداب خان نے بھی دلچسپ جواب دیا جس سے سوشل میڈیاصارفین اور ان کھلاڑیوں کے مداح خوب محظوظ ہوئے۔
معاملہ کچھ یوں ہوا کہ سوشل میڈیا پر قائداعظم ٹرافی کے دوران بابراعظم اور حسن علی کی ایک تصویر وائرل ہوئی جس میں دونوں کسی معاملے پر بات چیت کرتے دکھائی دے رہےتھے، تصویر میں بابراعظم کی تاثرات ذرا مختلف نظر آئے جس پر ایک صارف سے رہا نہیں گیا اور اس نے سوال پوچھ ڈالا۔
صارف نے ٹویٹر پر تصویر پوسٹ کرتے ہوئے لکھا کہ مجھے بھی بتایا جائے کہ آپ دونوں کے درمیان ایسی کیا بات ہورہی تھی جس میں بابراعظم کے چہرے کے تاثرات بدل گئے۔
اس سوال پر فاسٹ باؤلر حسن علی نے ردعمل دیتے ہوئے کہا کہ درآصل ہم شاداب خان کی شادی کےبارے میں بات کررہے تھے اور بابراعظم کا کہنا تھا کہ وہ شادی نہیں ہونی۔
چلبلے حسن علی کے اس طنز پر قومی ٹیم کے نائب کپتان شاداب خان بھی خاموش نا رہ سکے اور انہوں نے جوابی ٹویٹ داغ دی ،جس میں ان کا کہنا تھا کہ آپ لوگوں کو بھی لگتا ہے کہ میں بہت بڑا ہوگیا ہوں؟ سب ہی لوگ مجھ سے شادی کا پوچھتے ہیں، ابھی تو میں بچہ ہوں۔
شاداب خان کے اس جواب پر سوشل میڈیا صارفین خوب محظوظ ہوئے اور انہوں نے اس سارے معاملے پر خوب تبصرے کیے۔
- Featured Thumbs
- https://www.siasat.pk/data/files/s3/14shadakhanbach.jpg
