دیکھا ہے میں نے ۔۔۔

[jani1]

دیکھا ہے میں نے ۔۔۔
​

دیکھا ہے میں نے اپنے رب کو اُس کی عطا کردہ نعمتوں میں ،​

اُس کی ہر ادا و چاہتوں میں ،​

اُس کی بنائی ہوئی دُنیاوں کے اُجالوں و ظُلمتوں میں،​

سمندروں کی گہرائیوں و پہاڑوں کی اُنچائیوں میں،

​

گھنے جنگل و گھنے کھیت میں،​

ویرانے میں و سحراوں کی ریت میں،​

دن کے اُجالے میں و رات کے اندھیرے میں،​

جاگتے میں و خواب سُنہرے میں،

​

گرم آگ میں و ٹھنڈے آب میں،​

تسکین میں و حالت خراب میں،​

دُھوپ کھڑکتی میں و چاوں سرد میں،​

اور دل کے ہر اک درد میں،

​

کانٹوں میں و ہر اک پُھول میں،​

میری خطاوں و ہر اک بھُول میں،​

میرے نیک عمل پر اُس کے انعام میں،​

و بد عمل کے میرے بُرے انجام میں،

​

مانا ہر جگہ اُس کی وحدانیت کو ​

پایا ہر جگہ اُس کی ربُوبیت کو،​

کروں ہر وقت اُسی کا ہی ذکر،​

رہتا ہے ہر دم یہی غم و فکر،


​

دکھائے راستہ سیدھا و ہر انسان کو،​

اور بخش دے ہم سب اہل ایمان کو

https://www.facebook.com/Jani-1244855932238006/​

 

[jani1]

دو ڈھائی ماہ قبل پوسٹ کی جانے والی پوسٹ ۔۔۔۔۔
اُمید ہے پسند فرمائیں گے وہ دوست جنہوں نے مُلاحظہ نہیں فرمائی۔۔۔۔

 

[PAINDO]

[

دو ڈھائی ماہ قبل پوسٹ کی جانے والی پوسٹ ۔۔۔۔۔
اُمید ہے پسند فرمائیں گے وہ دوست جنہوں نے مُلاحظہ نہیں فرمائی۔۔۔۔

بہت بڑھیا جناب زبردست

 

[HIDDEN]

Excellent post...

 

[Dr Adam]

دو ڈھائی ماہ قبل پوسٹ کی جانے والی پوسٹ ۔۔۔۔۔
اُمید ہے پسند فرمائیں گے وہ دوست جنہوں نے مُلاحظہ نہیں فرمائی۔۔۔۔

Jani bohot aalaa, iski jitnee bhi taareef kee jaaye woh kamm hai. :mash:

Agar ijazat ho tow kuuch miltay juultay mouzoo per Allama kay chund ashaar hazir e khidmat haein:

Paabandi e taqdeer keh paabandi e ehkaam?
Yeh maslaa muushkil nahi aie mard e khrid mandd

Ikk aann may sow baar badal jaati hai taqdeer
Hai iska muuqalladd abhi na-khuush abhi khoorsund

Taqdeer kay paabund nabataat o jamadaat
Momin faqat ehkaam e Illahi kaa hai paabund.

Maakhooz: Ehkaam e Illahi, Allama Muhammad Iqbal.

 

[asadrehman]

بہت زبردست۔

 

[Salma Khan]

Thats beautiful....... so pure and true!
& i quote:

دیکھا ہے میں نے اپنے رب کو اُس کی عطا کردہ نعمتوں میں ،​

اُس کی ہر ادا و چاہتوں میں ،​

اُس کی بنائی ہوئی دُنیاوں کے اُجالوں و ظُلمتوں میں،​

سمندروں کی گہرائیوں و پہاڑوں کی اُنچائیوں میں،

​

 

[Undetectable]

حمد باری تعالیٰ

حمد باری تعالیٰ جل شانہ

اے عالمِ نجوم و جواہر کے کِردگار
اے کارسازِ دہر و خداوندِ بحر و بر
اِدراک و آگہي کے ليے منزلِ مراد
بحرِ مسافرانِ جنوں، حاصلِ سفر
يہ برگ و بار و شاخ و شجر، تيري آيتيں
تيري نشانياں ہيں يہ گلزار و دشت و در
يہ چاندني ہے تيرے تبسم کا آئينہ
پرتَو ترے جلال کا بے سايہ دو پہر
موجيں سمندروں کي، تري رہگزر کے موڑ
صحرا کے پيچ و خم، ترا شيرازہ ہُنر
اُجڑے دلوں ميں تيري خموشي کے زاويے
تابندہ تيرے حرف، سرِ لوحِ چشم تر
موجِ صبا، خرام ترے لطفِ عام کا
تيرے کرم کا نام، دُعا در دُعا، اثر
اے عالمِ نجوم و جواہر کے کِردگار
پنہاں ہے کائنات کے ذوقِ نمو ميں تُو
تيرے وجود کي ہے گواہي چمن چمن
ظاہر کہاں کہاں نہ ہُوا، رنگ و بُو ميں تُو
مري صدا ميں ہيں تري چاہت کے دائرے
آباد ہے سدا مرے سوزِ گلو ميں تُو
اکثر يہ سوچتا ہوں کہ موجِ نفس کے ساتھ
شہ رگ ميں گونجتا ہے لہُو، يا لہُو ميں تُو ؟
اے عالمِ نجوم و جواہر کے کِردگار
مجھ کو بھي گِرہِ شام و سحر کھولنا سکھا
پلکوں پہ ميں بھي چاند ستارے سجا سکوں
ميزانِ خس ميں مجھ کو گہر تولنا سکھا
اب زہر ذائقے ہيں زبانِ حروف کے
اِن ذائقوں ميں "خاک شفا" گھولنا سکھا
دل مبتلا ہے کب سے عذابِ سکوت ميں
تو ربِّ نطق و لب ہے، مجھے "بولنا" سکھا

شاعرِ اہلبیت سید محسن نقوی شہید
​

 

[ابابیل]

Re: حمد باری تعالیٰ

حمدِ باری تعالٰی




وہی جو خالق جہان کا ہے، وہی خدا ہے، وہی خدا ہے
جو رُوح جسموں میں ڈالتا ہے، وہی خدا ہے، وہی خدا ہے

وہ جسکی حِکمت کی سرفرازی، وہ جسکی قُدرت کی کارسازی
ہر ایک ذرّہ میں رونما ہے، وہی خدا ہے، وہی خدا ہے

وہ بے حقیقت سا ایک دانہ، جو آب و گِل میں تھا مِٹنے والا
جو اُس میں کونپل نکالتا ہے، وہی خدا ہے، وہی خدا ہے

الگ الگ سب کے رنگ و خصلت، جُدا جُدا سب کے قدّ و قامت
جو سارے چہرے تراشتا ہے، وہی خدا ہے، وہی خدا ہے

ہے علم میں جس کے ذرّہ ذرّہ، گرِفت میں جسکی ہے زمانہ
جو دِل کے بھیدوں کو جانتا ہے، وہی خدا ہے، وہی خدا ہے

وہ جس نے دی مختلف زبانیں، تخیّل و عقل کی اُڑانیں
جو کشتیٔ فن کا ناخدا ہے، وہی خدا ہے، وہی خدا ہے

کوئی تو ہے جو ہے سب سے اوّل، کوئی تو ہے جو ہے سب سے آخر
جو ابتدأ ہے جو انتہا ہے، وہی خدا ہے، وہی خدا ہے

مُصیبت و درد و رنج و غم میں، حیات کے سارے پیچ و خم میں
تُو جس کو راغب، پُکارتا ہے، وہی خدا ہے، وہی خدا ہے

افتخار راغب​