نیو دہلی:دہلی اسمبلی کے انتخابات میں بی جے پی نے تاریخی کامیابی حاصل کی۔
بی جے پی نے 70 میں سے 47 سے زائد نشستیں جیت کر دہلی میں 27 سال بعد حکومت بنانے کی راہ ہموار کر لی ہے۔ اس انتخاب میں عام آدمی پارٹی کو بڑا دھچکا لگا، اور اروند کیجریوال اپنی روایتی نشست بھی ہار گئے۔
الیکشن میں ووٹر ٹرن آؤٹ 60.42 فیصد رہا، جو 2020 کے مقابلے میں کم تھا۔ بی جے پی کی اس کامیابی کو دہلی کی سیاست میں ایک بڑا موڑ قرار دیا جا رہا ہے۔
دہلی کے ووٹروں نے عام آدمی پارٹی (اے اے پی) کو اقتدار سے باہر کر دیا، جو صرف 23 نشستوں پر کامیاب ہو سکی، جب کہ راہول گاندھی کی جماعت کانگریس ایک بھی نشست نہ جیت سکی۔
2015 سے دہلی میں برسراقتدار عام آدمی پارٹی کے بڑے رہنما بھی شکست سے دوچار ہوئے۔ سابق وزیر اعلیٰ اروند کیجریوال نئی دہلی سیٹ سے الیکشن ہار گئے، جبکہ سابق نائب وزیر اعلیٰ منیش سسودیا کو جنگ پورہ سے شکست کا سامنا کرنا پڑا۔ عام آدمی پارٹی کے کئی دیگر اہم رہنما بھی اپنی نشستیں ہار گئے۔
