Apnay air conditioned office main beth kar in dharnay walon ka socha jaey tu wohi kuchh khayal main aata hai jo "Ummat" ne hamaray liay tafseel se paint kar dia hai. magar yeh tafseel aisay logon k baray main nai jo FATA se besarosamani ki halaat main beghar huay hon ya sailab ki museebat ne in ko ek ajnabi shehar ki galyon main la phainka ho, FATA walon aur sailaab walon k tabsaray hum dekh rahay hain, woh sab hi taqdeer se shaki aur hakoomati laparwahi ka rona rotay har TV channel par nazar aa rahay hain. Dharnay walay ek jang main shareek hain is liay un ko na goli ka khauf hai aur na bhook ka andesha, un ki awaaz aaj 26 din baad bhi garajdaar hai aur lalkarti hui...lekin kia kejiyay Ummat jaisay akhbaarat ki misaal Jami'a Azhar jaisi hai, koi na koi mashkhara haqeeqat ko jhutlata hua mil hi jata hai aur hamari hansi ka samaan kar deta hai. Shukriya Ummat ! agar yeh report sach hai tu jhoot k sar par yaqeenan seeng hotay hon gey.