Afaq Chaudhry
Chief Minister (5k+ posts)
( دنیا کیسے لیڈروں کی محتاج ھے ؟ )
" دنیا درحقیقت اِس وقت ایسے لیڈروں کی محتاج ھے جو قوت کے ساتھ اُٹھ کر اس کی نگاہوں پر سے پردہ اُٹھا دیں اور اسلام کی صراطِ مُستقیم کا واحد راہِ نجات ہونا ثابت و مبرہن کر دیں ۔ ایک ایسی مجاہد و مجتہد جماعت اگر مسلمانوں میں پیدا ہو جائے تو مسلمان تمام دنیا کے پیشوا بن سکتے ہیں ۔ ان کو وہی مقام عزت پھر حاصل ہو سکتا ھے جس پر وہ کبھی سرفراز تھے اور جس پر مغربی قوموں کو مُتَمَکِّن دیکھ کر آج ان کے منہ میں پانی بھرا چلا آ رہا ھے ۔
لیکن اگر اِس قوم کے جمہور اسی طرح دُون ہمتی و پست حوصلگی کے ساتھ بیٹھے رہے ،
اگر اِس کے نوجوان یونہی غیروں کا پَس خوردہ کھانے کو اپنا منتہائے کمال سمجھتے رہے ،
اگر اِس کے عُلماء اپنی اپنی پُرانی فقہ و کلام کی فرسودہ بحثوں میں اُلجھے رہے
،
اگر اِن کے لیڈروں اور سیاسی پیشواؤں کی ذلیل ذہنیت کا یہی حال رہا کہ لشکرِ اغیار کے پیچھے لگ جانے کو مجاہدانہ عزیمت کا بلند ترین مرتبہ سمجھیں اور بیسیویں صدی کے سب سے بڑے فریب میں اپنی قوم کو مبتلا کرنا دانشمندی خیال کریں
،
غرض اگر اِس قوم کے دَست و پَا سے لے کر دل و دماغ تک سب کے سب تعطل یا خام کاری ہی میں گرفتار رہیں اور اِس کروڑوں کے انبوہ سے چند مردانِ خدا بھی جہاد اور اجتہاد فی سبیل اللہ کے لیے کمر باندھ کر نہ اُٹھ سکیں تو پھر دنیا جس اسفل السافلین کی طرف جا رہی ھے اُسی طبقہ جہنم میں یہ قوم بھی دنیا کی دُم کے ساتھ بندھی بندھی جا گرے گی اور غضب خداوندی ایک مرتبہ پھر پکارے گا
" اَلَا بُعد القوم الظٰلمین " دُور پھینک دی گئی ظالم قوم ۔ "
( سیّد ابوالاعلیٰ مودودیؒ ۔ تنقیحات )
http://maududi.org/scan/?itemid=330&title=
Last edited:
