خونی کھیل مہنگا پڑے گا

Rollercoaster

MPA (400+ posts)
Screenshot_1-1.png


خونی کھیل مہنگا پڑے گا
سہیل وڑائچ


Battle_of_Naseby.jpg


شہرِہزار رنگ لندن میں ایک زمانہ ایسا بھی گزرا ہے کہ لوگ انسانی خون بہتا دیکھ کر خوش ہوتے تھے۔ ہر گلی محلے میں دنگا فساد ہوتا تھا، تھیٹروں کے اس شہر میں ہر ڈرامے میں تشدد اور لڑائی مارکٹائی دکھا ئی جاتی تھی۔ جس کھیل میں زیادہ خون بہتا ہوا دکھایا جاتا وہ ڈرامہ زیادہ مقبول ہوتا، ٹھٹھ کے ٹھٹھ لگ جاتے ، نوبت یہاں تک پہنچ گئی کہ ایک بار قتل کا لائیو منظر ڈرامے میں دکھانے کی کوشش کی گئی۔ اضطراب انتقام اور خونی کھیل کے اس دور کا نقطہ عروج مذہبی عیسائی انقلاب(Puritan Revolution) کی صورت میں ظہور پذیر ہوا۔ تھیٹر کے شوقین لندن کے باشندوں کا علاج یہ کیاگیا کہ شہر کے سارے تھیٹر بند کردیئے گئے۔ پیٹراکرائڈ کی کتاب ’’لندن‘‘ میں لکھا ہے کہ فحاشی ،عریانی اور تشدد کو بنیاد بنا کر ڈرامے پر ہی پابندی لگا دی گئی۔ اس حکومت نے لندن کے شہریوں کو سزائیں دینا شروع کیں، کئی بدمعاشوں اور غنڈوں کو سرعام قتل کردیاگیا،ہرطرف خونی کھیل جاری ہوا ،لندن والے اسٹیج پر خون بہتا ہوا دیکھ کر جوش اور جذبے میں آتے تھے اور خوش ہوتے تھے، ان کا اپنا خون بہنا شروع ہوا تو انہیں خون سے گھن آنے لگی، تاریخ کا پہیہ گھوما اور جب ڈرامے اور تھیٹر دوبارہ شروع ہوئے تو خونی کھیل بند ہوگئے، کسی کو بھی انسانی خون بہتے ہوئے دیکھنا اچھا نہ لگتا تھا ۔ حالات بدلےتو سوچ بھی بدل گئی۔

تضادستان بھی ان دنوں قدیم لندن جیسی سوچوں سے گندھا ہواہے،بڑے بڑے امن پسندوں پر انتقام اور احتساب کا خون سوار ہے، جس نے کبھی اپنے شرارتی بچوں کو ٹوکا تک نہیں وہ بھی کرپٹ مافیا کی خود گردن دبانا چاہتا ہے، جلسوں میں جوتے مارے جا رہے ہیں، گولیاں چل رہی ہیں، بم پھوڑے جا رہے ہیں، دہشت گردی کرنے اور کرانے والے سرعام سوشل میڈیا پر اپنے کارنامے شیئر کرتے ہیں۔ جن لوگوں نے زندگی میں مکھی تک نہیں ماری ان کا بھی جوش انتقام ٹھنڈا نہیں ہو رہا۔ ٹھوکریں کھا کر بیرون ملک جانے والے نوازشریف کے لندن فلیٹس کو ٹھوکریں مار رہے ہیں، بڑےبڑے پارسا وہاں پہنچ کر تقریریں کر رہے ہیں، کئی دانشور نواز شریف اور مریم نواز کو جیل کی کال کوٹھڑی تک پہنچا کر بھی مطمئن نہیں ہیں، ان کی خواہش ہے کہ ان سے چکی پسوا ئی جائے، زنجیریں پہنا کر انہیں سرعام پھرایا جائے۔ یہ وہی قدیم لندن کا خون بہتے دیکھنے والا جنون ہے، لیکن یاد رکھنا چاہئے خونی کھیل مہنگا پڑتا ہے، دوسروں کو خون میں دھکیلنے والے جوابی طور پر خود بھی اسی خونی کھیل، انتقام اور احتساب کا نشانہ بنتے ہیں۔

تضادستان میں ایسے لوگوں کی کمی نہیں جو یہ سمجھتے ہیں کہ پاکستان کے مسائل کا حل یہ ہے کہ سینٹ، قومی اسمبلی اورچاروں صوبائی اسمبلیوں کے 1174 اراکین کو توپ کے منہ سے باندھ کر اڑا دیں۔ ان کا خیال ہے کہ اس سے ملک میں کرپشن اور اقربا پروری ختم ہو جائے گی کچھ جذباتی ایسے بھی ہیں جو ایرانی انقلاب کی مثال دے کر مخالفوں کوصفحہ ہستی سے مٹانے کو ملکی مسائل کا واحد حل قرار دیتے ہیں، کچھ نیم پڑھے لکھے خواہش مند ہیں کہ انقلابِ فرانس کی طرح ہر چوک میں گلوٹین لگا کر اہل سیاست کےسرتن سے جدا کردیئے جائیں ۔ مگر یہ سارے انتقام پسند جنونی اور کم ظرف خونی یہ بھول جاتے ہیں کہ گلوٹین چلانے والے خود بھی اسی گلوٹین کا شکار بنے تھے۔ ایران میں پہلے پہلے مارنے والے خود بھی مارے گئے تھے اور جہاں سیاستدان مار دیئے جائیں گے وہاں کیا سیاست کوئی اور مخلوق کرے گی اور پھر اس مخلوق کو بھی اہل سیاست ہی تو کہا جائےگا۔دنیا انتقام، احتساب اور خون بہانے سے نہیں بدلی، یہ دنیا امن معافی اور خوش حالی سے بدلی ہے۔

علی عباس جلالپوری نے بہت پہلے لکھا تھا کہ تاریخ کا سفر دائروں میں نہیں سیدھی لکیرکی طرح طے ہوتا ہے مگر انتقام پسند اس لکیر کے راستے میں رکاوٹیں ڈال کر تاریخ کو دائروں میں محدود اور مسدود کردیتے ہیں۔ مجھے 1977ء کے واقعات اچھی طرح سے یاد ہیں کہ کس طرح بھٹو مخالفوں پر خون سوار تھا اور وہ ہر صورت میں بھٹو کو صفحہ ہستی سے مٹانا چاہتے تھے۔ انتقام، احتساب اور خون کا کھیل عروج پر تھا، بھٹو کو پھانسی دے دی گئی، کیا اس کے بعد تمام مسائل حل ہوگئے یا ہم 30سال تک پروبھٹو اور اینٹی بھٹو دائرے میں گھومتے رہے۔ پیپلز پارٹی کو مٹانے کے لئے85جیسے بے اصول غیر جماعتی انتخابات کروائے گئے، جتوئی اور جونیجو کو سندھ سے وزیر اعظم بنایا گیا حالانکہ وہ سندھ سے ایک سیٹ بھی نہ جیت سکتے تھے۔ تمام بے اصولیاں، احتساب، انتقام اور خونی کھیل کے نام پر ہوئیں، خونی کھیل مہنگا پڑتا ہے بھٹو کا نام تو کسی طور پر اب بھی زندہ ہے اور بھٹو کے قاتل اور مخالف شیکسپئر کی لیڈی میکبتھ کی طرح عرب کی خوشبوئوں سے ہاتھ دھو دھو کر کہتے رہے کہ ہمارے ہاتھ بھٹو کے خون سے رنگے ہوئے نہیں مگر خون کے دھبے مٹتے نہیں ان کا رنگ بہت گہرا ہوتا ہے خوشبوئیں انہیں چھپا نہیں سکتیں۔

عمران خان اب وزیر اعظم بننے والے ہیں انہیں مولا جٹ اور نوری نت کے خونی کھیل سے دور رہنا چاہئے یہ خونی کھیل بہت مہنگا پڑتا ہے۔ عمران خان ان دنوں ریاست مدینہ کے حوالے بھی دے رہے ہیں انہیں فتح مکہ کا درس بھی یاد رکھنا چاہئے، فتح مکہ کے دوران نہ کسی کا احتساب کیا گیا نہ کسی کو انتقام کا نشانہ بنایاگیا، سب کو عام معافی دی گئی حتیٰ کہ حضرت امیر حمزہ رضی اللہ تعالیٰ عنہ کا جگر چبانے والی ہندہ بھی بچ نکلی۔ عمران خان کو خونی کھیل کی طرف دھکیلنے والے بہت ہوں گے وہ کہیں گے کہ اگر نواز شریف کا احتساب بند ہوا تو پی ٹی آئی پر مک مکا کا الزام لگے گا، یہ دوست کہیںگے کہ زرداری کے خلاف اقدامات نہ کئے گئے تو الزام لگے گا کہ زرداری سے اندر خانے انڈرسٹینڈنگ ہو چکی ہے۔ یہ بھی کہا جائےگا کہ تحریک انصاف کی مقبولیت کی وجہ ہی کرپشن کے خلاف اس کا نعرہ ہے مگر عمران خان کو فتح مکہ کی مثال سامنے رکھتے ہوئے نئے دور کی ابتداء کرنی ہوگی ایک ایسی نئی صبح جس میں خون، انتقام اور احتساب کی جگہ جذبہ، تعمیر اور عزمِ نو موجود ہو۔

آیئے دوسری آپشن بھی دیکھ لیں۔ فرض کریں پی ٹی آئی احتساب اور انتقام کا سفر جاری رکھتی ہے ، نواز شریف اور مریم نوازپر سختیاں بڑھتی ہیں تو انکے لئے لازماً ہمدردی بڑھے گی اور کل کو یہ ہمدردی پی ٹی آئی کےخلاف استعمال ہوگی۔ کمزور مخلوط حکومت، طاقتور ادارے اور پھر مظلوم اپوزیشن، یہ سب کچھ پی ٹی آئی کیلئےمشکلات پیدا کرے گا۔ اس لئے بہتر ہوگا عام معافی سے شروعات کی جائے، منڈیلا کی طرح امن، خوشحالی اور معافی کا رویہ اپناتے ہوئے خون، انتقام اور احتساب کو 70سال کے طویل عرصہ بعد صرف 5سال کے لئے بند کیا جائے اور دیکھا جائے کہ اس ے مثبت نتائج کیا نکلتے ہیں؟

اگر خونی کھیل جاری رہا تو پھر اس کے نتائج بھی وہی نکلیں گے جو ماضی میں نکلتے رہے ہیں۔ انتقام، خون اور احتساب کا نعرہ لگانے والے نواز شریف، بے نظیر بھٹو کے خلاف یہی سب کچھ کرتے رہے جو عمران خان کر رہے ہیں۔ نواز شریف کے جیل جانے کے بعدسے عمران خان کوعبرت حاصل کرنی چاہئے اور اقتدار سنبھالتے ہی اپنا راستہ مکمل طور پر بدل کر ملک میں اصلاحات لانی چاہئیں جس سے عام آدمی کی زندگی بہتر ہو۔ ظلم سے ظلم جنم لیتا ہے، خون بہائیں تو اپنا خون بھی بہتا ہے، احتساب کریں تو خود کا احتساب بھی ہوتا ہے ۔ یاد رکھیں خونی کھیل مہنگا پڑتا ہے۔

https://jang.com.pk/news/524134

 
Last edited by a moderator:

Atta01

Politcal Worker (100+ posts)
Oo Daanishwar paai....tu spni daanishwariyan apnay paas he rukh....aghar Aihtesaab naheein kerna aur looti hoiiee dolat waapis naheein laaani tu kiya phir Imran Khan nay PM bun ker Jhuk maarni hay yaa Dhahi Bhallay baaichnay heein.....???
 

Shareef_Aadmi

MPA (400+ posts)
Sohail Sahab, aap ne fath-e-Mecca kee mithal see, magar yaad rakhain kay Huzoor SAW nay chand logoon kay namm diyaa thay kay inhain jidhar dekho and jahan dekho qatal kar do. Aap yeh baatvkiyon bhool jatay hain sirf aam maafi yaad rehti hai?

Pakistani syasat mein wo loog hai ziyadah jinhain dektay hee maar denay ka hukm hona chaiyayy. Aam maafi bhee honee chaiyaa magar jin loogon nay ghareeb Awaam ka khoon choosa hai, wo kisi bhee maafi kay haqdaar nahee hai.

Jahan aap aam maafi ke baat kartay hai to jaan lain ka aap kese ko Huzoor SAW say compare nahee kar saktay hai. Wo rehmatul aalameen say aur ham and hamaray siyasat daan nang aalameem hain...
 

NCP123

Minister (2k+ posts)
Sohail Sahab, aap ne fath-e-Mecca kee mithal see, magar yaad rakhain kay Huzoor SAW nay chand logoon kay namm diyaa thay kay inhain jidhar dekho and jahan dekho qatal kar do. Aap yeh baatvkiyon bhool jatay hain sirf aam maafi yaad rehti hai?

Pakistani syasat mein wo loog hai ziyadah jinhain dektay hee maar denay ka hukm hona chaiyayy. Aam maafi bhee honee chaiyaa magar jin loogon nay ghareeb Awaam ka khoon choosa hai, wo kisi bhee maafi kay haqdaar nahee hai.

Jahan aap aam maafi ke baat kartay hai to jaan lain ka aap kese ko Huzoor SAW say compare nahee kar saktay hai. Wo rehmatul aalameen say aur ham and hamaray siyasat daan nang aalameem hain...
ye wu loug hein jinouhn ne Nawaz Sharif se kabhi roti khai, kabhi uss ke saath free mein by air visit keye......tu ub ye HALAL tu kerin gey naaa........ye loug kehtey hein bus paisey waley CHOr ku CHOR na kahoooo sirf ghareeb ku Chor kahoooo....en se pouchoo en ke pass banglow, marcede.....kahan se aitee hein.....ye to jub AKHBAR ke office mein kaam kerte thay cycle ya scooter per aatey hun gey......en ka CHANDAA ub kum hu raha hu gaaa...es leye IK ku message de rehey hein....hamara CHANDA laga dooooo...buss
 

uzairm

Senator (1k+ posts)
Sohail warraich begging and threatning at the same time, Imran must live up to his promise of corruption free pakistan. Jab waqt-e-qyaam aye to sajde main na chala jaye
 
Last edited:

Abid_J

Senator (1k+ posts)
یہ منحوس چاہتا ہے کہ زینب کے ہاتھ تو کٹوادیں اگر وہ چوری کرے
مگر مریم اور اس کے کرپٹ باپ کو محل نما جیل میں محسور کر دیا جائے
ورنہ خونی کھیل سروع ہو جائے گا
 

ImranD

Councller (250+ posts)
One can only laugh at it if he’s really intellectual not lifafa. Spare NS & AZ and all will be well, otherwise bloodshed :D. Pakistan problems can not be solved unless looted money is brought back and it doesn’t require bloodshed you moron. Let the law of land take its due course and new govt be vigilant to bring back stolen wealth. People will love it.
 

concern_paki

Chief Minister (5k+ posts)
he is accepting that Imran Khan is going to be the Prime Minister Insha ALLAH ....but why dont these guys understand that it is not a political revenge, these are the cases of corruption and they have stolen the wealth of the country and the money from the taxes of people of Pakistan and the punishments are given by the court on the basis of these corruption cases, it has nothing to do with politics or revenge, yahi to farq hai noon league aur zardari aur Imran Khan ki socch main, Imran Khan insaaf ki baat karta hai, idaron ki mazbooti ki baat karta hai, jab ke yeh keh rahe hain ke Imran Khan iqtidar mein aa kar Supreme Court or high Court ke faisalon par asr andaz hoon, nahin yahi to FARQ hai, Imran Khan aur baqi politicians mein, Insaf, qanoon aur system ki bala dasti honi chhhayye , shaksiaton ki nahin, yahi ISLAM bhi hai, yah muashra bhi hai, yahi iqdar bhia hain..bara aya column nigar....pehle basics to parh
 

Cape Kahloon

Chief Minister (5k+ posts)
Warrich app ka kalam perh ker sub sey phaly munh sey Yeh nikala “ SHAME ON YOU “
Bad naseeb Insan Fath Maka ke bat ker kay Qoum ko Ghumrah ker raha ha Fatah Maka main jani dushman ko muaf keya geya tha Choroon ko ne.
Imran Khan ke Zati dushmani ne woh chorron oor dakuon ka dushman ha.
Islam main chorron kay leay muafi ne ha.
 

Cape Kahloon

Chief Minister (5k+ posts)
Warrich kam Bakht Insan tu khata ha 5 sall kay leay sub ko muaf kar do Ihtesab na kro oor result dekh layna tu sun 2007 Maine Musharraf nay sub ko muaf ker deya tha ( NOR) Pher 2008 Maine Zardari nay Ihtesab ne keya Pher 2013 Maine Nawaz Sharif nay Ihtesab ne keya abb tu khud he bata in 12 sall main keya result aaya??
2007 Maine Dollar 60 Rupees ka tha 2018 Maine 130 Rupees ka hu geya ha tujhay pata ha keyoon
Iss leay kay 2007 kay Bad Ihtesab ne huwa.
 

free_man

MPA (400+ posts)
سہیل صاحب نے ڈھکے چھپے الفاظ میں اپنے دماغ کا گند قلم کے ذریعے انڈیلا ہے. باہر جانے والوں کو ناکام لوگ کہا ہے بدمعاش اور بزدل کہا ہے. صاحب ان میں ہزاروں لوگ ایسے ہیں جو چاند پہ کمند ڈالنے کا خواب لے کر گھر سے نکلے اور انہوں نے ایسا کیا بھی. جن میں ڈاکٹر اور انجینئرز ہیں. اس کے علاوہ دوسرے بہت سے شعبے ہیں. آپ کسی عالمی جریدہ کے لی ایک کالم لکھ اور چپھوا کر دیکھیں تو آپ کو پتا چل جائے گا لفافے اور اہلیت کا فرق سمجھ آ جائے گا. باہر والے کچھ چیزون کو بہتر سمجھتے ہیں اور کچھ بے چین ہیں کہ حالات میں بہتری آئے
 

hawkinthesky111

Minister (2k+ posts)
سہیل صاحب نے ڈھکے چھپے الفاظ میں اپنے دماغ کا گند قلم کے ذریعے انڈیلا ہے. باہر جانے والوں کو ناکام لوگ کہا ہے بدمعاش اور بزدل کہا ہے. صاحب ان میں ہزاروں لوگ ایسے ہیں جو چاند پہ کمند ڈالنے کا خواب لے کر گھر سے نکلے اور انہوں نے ایسا کیا بھی. جن میں ڈاکٹر اور انجینئرز ہیں. اس کے علاوہ دوسرے بہت سے شعبے ہیں. آپ کسی عالمی جریدہ کے لی ایک کالم لکھ اور چپھوا کر دیکھیں تو آپ کو پتا چل جائے گا لفافے اور اہلیت کا فرق سمجھ آ جائے گا. باہر والے کچھ چیزون کو بہتر سمجھتے ہیں اور کچھ بے چین ہیں کہ حالات میں بہتری آئے
he does not know why people leave the country..they do not do it with happiness.
majboorian hoti hain....
I also used to think the same way but after leaving country and observing pakistanis outside have come to this conclusion that people go overseas for some reason..
 

Back
Top