حکومت کا منی لانڈرنگ روکنے کیلئے انتہائی اہم فیصلہ

Kashif Rafiq

Prime Minister (20k+ posts)
62071662_10156912347090528_159819985101783040_n.jpg

اسلام آباد: وفاقی حکومت نے فیٹف ایکشن پلان پر عملدرآمد کرتے ہوئے منی لانڈرنگ اور ٹیررازم فنانسنگ کی روک تھام کیلیے وکلا، چارٹرڈ اکاؤنٹنٹس، ریئل اسٹیٹ ڈیلرز اور قیمتی دھاتوں، پتھروں کے ڈیلرز سمیت دیگر تمام مجاز نان فنانشل بزنس اینڈ پروفیشنز (ڈی این ایف بی پی ایس) کی مانیٹرنگ و نگرانی کا نظام متعارف کروانے کا فیصلہ کیا ہے جس کیلئے وزارت داخلہ،وزارت قانون و انصاف، ایس ای سی پی،ایف بی آر ،ایف آئی اے سمیت چاروں صوبوں کے نمائندوں پر مشتمل خصوصی ورکنگ گروپ قائمکیا جائیگا۔

ذرائع کے مطابق مذکورہ ورکنگ گروپ فیٹف کی سفارشات نمبر 22،23 اور28 کے تحت وکلا،چارٹرڈ اکاونٹنٹس،ریئل اسٹیٹ ڈیلرز اور قیمتی دھاتوں ،پتھروں کے ڈیلرز سمیت دیگر تمام رسک بیسڈ مجاز نان فنانشل بزنس اینڈ پروفیشنز(ڈی این ایف بی پی ایس)کی آمدنی و ان کی سرگرمیوں کی مانیٹرنگ و نگرانی سے متعلق دیگرسفارشات پر عملدرآمد کیلئے پالیسی تیار کرے گا۔

اس حوالے سے ’’ایکسپریس‘‘ کو دستیاب دستاویز کے مطابق وزارت خزانہ کے انٹرنل فنانس ونگ کے انسداد منی لانڈرنگ سیکشن کی جانب سے ورکنگ گروپ کی تشکیل کیلئے چاروں صوبائی چیف سیکریٹریز اور وفاقی وزارت قانون و انصاف،وزارت داخلہ،وزارت تجارت،گورنر سٹیٹ بینک آف پاکستان،فیڈرل بورڈ آف ریونیو،ڈائریکٹر جنرل فنانشل مانیٹرنگ یونٹ،ڈائریٹر جنرل فیڈرل انویسٹی گیشن ایجنسی(ایف آئی اے) سمیت دیگر متعلقہ اداروں کو مراسلہ بھجوایا ہے۔

مراسلے میں کہا گیا ہے کہ مذکورہ مجاز نان فنانشل بزنس اینڈ پروفیشنز(ڈی این ایف بی پی ایس)کی مانیٹرنگ و نگرانی کا میکنزم اور پالیسی کی تیاری کیلیے ورکنگ گروپ میں اپنے اپنے ادارے کی جانب سے نمائندہ نامزد کیا جائے لیٹر میں مزید کہا گیا ہے کہ اس ورکنگ گروپ میں نمائندگی کیلئے تمام صوبے اور وفاقی متعلقہ اداروں کی جانب سے کم از کم گریڈ بیس کے افسر کو اس ورکنگ گروپ کیلیے نامزد کیا جائے اور ایسے آفیسر نامزد کیے جائیں جو اچھی گفتگو کرنے والے ہوں اور متعلقہ شعبوں کے حوالے سے معلومات رکھتے ہوں۔

لیٹر میں مزید کہا گیا ہے کہ مذکورہ ورکنگ گروپ کیلئے نامزدگیاں براہ راست سیکیورٹیز اینڈ ایکسچینج کمیشن آف پاکستان(ایس ای سی پی)کو بھجوائی جائیں مگر خزانہ ڈویژن کو بھی ان نامزدگیوں کے بارے میں آگاہ کیا جائے اور اس کی ایک کاپی خزانہ ڈویڑن کو بھجوائی جائے میکنزم متعارف کروانے اور پالیسی کا مسودہ تیار کرنے کے حوالے سے ورکنگ گروپ تشکیل دینے کیلیے ایس ای سی پی کو کلیدی ذمہ داری و لیڈ ادارہ کے طور پر ذمہ داری دی گئی ہے۔

 

Dr Adam

Prime Minister (20k+ posts)



آہستہ آہستہ مُلک کی ڈاریکشن صحیح ہو رہی ہے اور

.اِنشاء الله جلد بہتری دیکھنے میں آئے گی

الله عمران کو زندگی اور صحت دئیے رکھے

یہ کام اُسی کے ہاتھوں ہونا لکھا ہے

!!!یہی قدرت کا فیصلہ ہے

اپوزیشن کے اچھے لوگ بھی اِس نیک کام میں اپنا حصہ ڈالیں

تاکہ ہمارے بچوں کا مستقبل بھی سُدھر کر تابناک ہو جائے

تنقید براۓ اصلاح کرنا اُنکا فرض ، اُنکا حق اور اُنکی ذمّے داری ہے

لیکن تنقید براۓ تنقید نہیں ہونی چاہیئے اُس کا کسی کو کوئی فائدہ

نہیں ہو گا . آخر میں ہم سب پاکستانی ہیں اور یہ ملک ہمارا ہے

!!اور اِسکی حفاظت کرنا ہم سب پر فرض ہے
 

There is only 1

Chief Minister (5k+ posts)



آہستہ آہستہ مُلک کی ڈاریکشن صحیح ہو رہی ہے اور

.اِنشاء الله جلد بہتری دیکھنے میں آئے گی

الله عمران کو زندگی اور صحت دئیے رکھے

یہ کام اُسی کے ہاتھوں ہونا لکھا ہے

!!!یہی قدرت کا فیصلہ ہے

اپوزیشن کے اچھے لوگ بھی اِس نیک کام میں اپنا حصہ ڈالیں

تاکہ ہمارے بچوں کا مستقبل بھی سُدھر کر تابناک ہو جائے

تنقید براۓ اصلاح کرنا اُنکا فرض ، اُنکا حق اور اُنکی ذمّے داری ہے

لیکن تنقید براۓ تنقید نہیں ہونی چاہیئے اُس کا کسی کو کوئی فائدہ

نہیں ہو گا . آخر میں ہم سب پاکستانی ہیں اور یہ ملک ہمارا ہے


!!اور اِسکی حفاظت کرنا ہم سب پر فرض ہے
آہستہ آھستہ؟
ع
ہم نے مانا کہ تغافل نہ کرو گے لیکن

خاک ہو جائیں گے ہم تم کو خبر ہوتے تک


 

Dr Adam

Prime Minister (20k+ posts)
آہستہ آھستہ؟
ع
ہم نے مانا کہ تغافل نہ کرو گے لیکن

خاک ہو جائیں گے ہم تم کو خبر ہوتے تک




بجاۓ سینے کے آنکھوں سے دل دھڑکتا ہے

!!لمحے انتظار کے بھی کتنے عجیب ہوتے ہیں