جوڈیشل کمیشن آف پاکستان کا اجلاس آج سپریم کورٹ میں ہوا تلاوت کلام پاک کے بعد وزیر قانون اعظم نذیر تارڑ کی جانب سے درخواست کی گئی کہ حکومت ججز تقرری کے حوالے سے آئین میں ترمیم پر غور کر رہی ہے جس سے آئین کے تحت قائم جوڈیشل کمیشن کی موجودہ ساخت میں تبدیلی رونما ہونے کا امکان ہے جسٹس یحییٰ آفریدی نے تجویز دی کہ پھر موجودہ رولز میں ترامیم پر بحث کو موخر کر دیا جانا چاہئیے جس کے بعد اجلاس اتفاق رائے سے ملتوی کر دیا گیا تاہم کمیشن نے اتفاق رائے سے موجودہ رولز کے تحت اعلیٰ عدلیہ میں تقرریوں کے عمل کو جاری رکھنے پر اتفاق کیا